الەكساندر ۆينوكۋروۆتىڭ نەلىكتەن قىزمەتتەن الىنعانى بىزگە بەيمالىم - مينيسترلىك
«مادەنيەت جانە سپورت مينيسترلىگى Astana-Premier Tech ۆەلوكومانداسى مەن وليمپيادا چەمپيونى، تانىمال شاباندوز الەكساندر ۆينوكۋروۆتىڭ اراسىنداعى جايدان بەيحابار. ەلىمىزدەگى سپورت سالاسىنا جاۋاپتى مەكەمە بولعانىنا قاراماستان، مينيسترلىككە بۇل اۋىس-ءتۇيىس جايلى حابارلانبادى. مادەنيەت جانە سپورت مينيسترلىگىن بۇل جايت قاتتى الاڭداتادى»، - دەپ جازىلعان ۆەدومستۆونىڭ رەسمي سايتىنداعى مالىمەتتە.
مينيسترلىكتىڭ مالىمدەمەسىندە الەكساندر ۆينوكۋروۆتىڭ كوماندانىڭ سپورتتىق باسقارۋشى ديرەكتور قىزمەتىنەن الىنۋىنا قۇقىقتىق باعا بەرىلەتىنى ايتىلعان.
«قازىر «استانا» پرەزيدەنتتىك سپورت كلۋبى مەن ونىڭ قاتارىنداعى بارلىق قۇرىلىمدى مادەنيەت جانە سپورت مينيسترلىگىنە بەرۋ پروتسەسى ءجۇرىپ جاتىر. جاقىن ارادا بارلىق پروتسەسس اياقتالعان سوڭ Astana-Premier Tech ۆەلوكومانداسىندا بولعان جايتقا قاتىستى قۇقىقتىق باعا بەرىلەدى»، - دەلىنگەن رەسمي مالىمدەمەدە.
