قاسىم-جومارت توقايەۆ تاجىكستان پرەزيدەنتىمەن تەلەفون ارقىلى سويلەستى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ تاجىكستان پرەزيدەنتى ەمومالي راحمونمەن تەلەفون ارقىلى سويلەستى.

بۇل تۋرالى اقوردا سايتىندا ءمالىم ەتىلدى، دەپ حابارلايدى قازاقپارات.

پرەزيدەنتتەر قاسىم-جومارت توقايەۆتىڭ بيىلعى 19-20- مامىردا دۋشانبەگە جاساعان رەسمي ساپارىنىڭ قورىتىندىسى بويىنشا قول جەتكىزگەن ۋاعدالاستىقتاردىڭ جۇزەگە اسىرىلۋ بارىسىن قاراستىردى.

ەكى ەلدىڭ كوشباسشىلارى ءوزارا ساۋدا-ساتتىقتى ۇلعايتۋ، ونەركاسىپ، اۋىل شارۋاشىلىعى، ەنەرگەتيكا، كولىك جانە ينفراقۇرىلىم سالالارىنداعى بىرلەسكەن جوبالاردى ىسكە اسىرۋ ماقساتىندا ۇكىمەتتەردىڭ ۋاقىتىلى ءارى ءتيىمدى ءىس-قيمىلدارىنىڭ ماڭىزدى ەكەنىن ايتتى.

ەمومالي راحمون تاجىكستانعا گۋمانيتارلىق كومەك كورسەتكەنى ءۇشىن قاسىم-جومارت توقايەۆقا العىس ءبىلدىردى.

مەملەكەت باسشىلارى اۋعانستانداعى احۋالدىڭ شيەلەنىسۋىنە بايلانىستى وڭىرلىك تۇراقتىلىق پەن قاۋىپسىزدىكتى قامتاماسىز ەتۋ ماسەلەلەرىن تالقىلادى.

تاراپتار ەكىجاقتى فورماتتا دا، كوپجاقتى قۇرىلىمدار اياسىندا دا، سونىڭ ىشىندە، اسكەري-ساياسي سيپاتتاعى بىرلەسكەن ءىس-قيمىلداردى ۇيلەستىرۋگە دايىن ەكەنىن اتاپ ءوتتى. سونداي-اق الداعى كەزدەسۋلەر كەستەسى تالقىلاندى.