پرەزيدەنت سۋبۇرقاقتا ادامداردى قۇتقارعان ستۋدەنتى قۇرمەت گراموتاسىمەن ماراپاتتادى
«مەملەكەت باسشىسى ادامداردىڭ ومىرىنە قاتەر تونگەندە كورسەتكەن اسقان ەرجۇرەكتىگى مەن باتىلدىعى ءۇشىن ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ 2-كۋرس ستۋدەنتى ابىلاي بالاپانوۆتى قۇرمەت گراموتاسىمەن ماراپاتتادى»، - دەپ جازدى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا.
ابىلاي بالاپانوۆ وتكەن دەمالىس كۇندەرى الماتى قالاسىنداعى سۋبۇرقاقتاردىڭ بىرىندە توق سوعىپ، زارداپ شەككەن ايەل مەن ەكى بالانى قۇتقارىپ قالعان.
ەسكە سالايىق، 19- ماۋسىم كۇنى الماتى سيركى ماڭىنداعى فونتاندا بىرنەشە ادامدى توق سوقتى. كەيىن اكىمدىك اتالعان وقيعانىن ءمان-جايىن ءتۇسىندىردى. سونىمەن قاتار، «eco Almaty» ج ش س- ءنىڭ باسشىسى جاننا اسانوۆا ول جەردە «شومىلۋعا تىيىم سالىنادى!» دەگەن ەسكەرتۋ تاقتاشاسى ورناتىلعانىن اتاپ ءوتتى.
