فۋتبولدان ەۋروپا چەمپيوناتى: شۆەيتساريا تۇركيادان باسىم ءتۇستى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭى ءۇشىنشى تۋرىندا شۆەيتساريا مەن تۇركيا كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى قۇراما ا توبىندا سىنعا تۇسەدى. قارسىلاستارى - يتاليا مەن ۋەلس. العاشقى تۋردا شۆەيتساريا قۇراماسى ۋەلسپەن 1:1 ەسەبىمەن تەڭ تۇسسە، ەكىنشى تۋردا يتالياعا 0:3 ەسەبىمەن ەسە جىبەردى. ال تۇركيا يتاليادان 0:3, ۋەلستەن 0:2 ەسەبىمەن جەڭىلىپ قالدى.

شۆەيتساريا مەن تۇركيا بۇعان دەيىن 17 مارتە كەزدەستى. ونىڭ 5 ەۋىندە شۆەيتساريالىقتار جەڭىسكە جەتىپ، 9-ىندا تۇركيالىقتار باسىم تۇسسە، قالعانىندا تەڭ ناتيجە تىركەلدى بۇگىنگى ويىندا شۆەيتساريالىقتار بىردەن العا ۇمتىلدى. ولاردىڭ بەلسەندىلىگى كوزگە كورىنىپ تۇردى.

ويىننىڭ 6-مينۋتىندا حاريس سەفەروۆيچ ەسەپ اشسا، 26-مينۋتتا شەردان شاكيري شۆەيتساريانىڭ باسىمدىعىن ارتتىردى. تۇركيالىق يرفان كاحۆەدجي 62-مينۋتتا مەرگەندىگىمەن كوزگە ءتۇسىپ، ەسەپ ايىرماسىن قىسقارتتى. شەردان شاكيري 68-مينۋتتا تاعى ءبىر مارتە كوزگە ءتۇستى. كەزدەسۋدە شۆەيتساريا قارسىلاسىن 3:1 ەسەبىمەن باسىم ءتۇستى. وسىلايشا جارىستىڭ كەلەسى ساتىسىنا جولداما الدى. ەندى 1/8 فينال ويىندارى 26-29 ماۋسىم كۇندەرى وتكىزىلەدى.

ويىندار ءدۇبىرلى دودا تاريحىندا تۇڭعىش رەت ەۋروپانىڭ 10 مەملەكەتىندە ورنالاسقان 11 ستاديوندا وتۋدە. بۇل ەۋروپا چەمپيوناتىنىڭ 60 جىلدىق مەرەيتويىنا وراي ۇيىمداستىرىلعان. فۋتبولدان ەۋروپا چەمپيوناتى 11-ماۋسىمدا باستالدى، 11-شىلدەدە مارەسىنە جەتەدى.