ەكولوگيالىق پروبلەمالاردى شەشۋدى مۇنان ارى كەيىنگە قالدىرۋعا بولمايدى - ق ر پرەزيدەنتى
ۇندەۋدى ق ر پرەزيدەنتىنىڭ حالىقارالىق ىقتىماقتاستىق جونىندەگى ارناۋلى وكىلى ەرجان قازىحان وقىپ بەردى، دەپ حابارلايدى قازاقپارات ءتىلشىسى.
« «ECOJER» ءبىرىنشى ەكولوگيالىق كونگرەسىنىڭ اشىلۋىمەن شىن جۇرەكتەن قۇتتىقتاۋىمدى قابىل الىڭىزدار. وزدەرىڭىز دە بىلەسىزدەر، قورشاعان ورتانى جاقسارتۋ قازاقستان ءۇشىن باسىمدىق سانالادى. قازاقستان ۇكىمەتى ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىنا ساي ەكولوگيالىق زاڭنامانى ۇيلەستىرۋ جانە ەڭ ۇزدىك جاسىل تاجىريبەنى قولدانۋ ءۇشىن جۇيەلى رەفورمالار جۇزەگە اسىرىپ جاتىر. پاندەميا بارلىعىمىزعا ەكونوميكانىڭ ءوسۋى، ازاماتتاردىڭ الەۋمەتتىك ءال- اۋقاتى جانە ءومىرى ساپاسى سىرتقى ەكولوگيالىق فاكتورلارمەن بۇزىلۋى مۇمكىن ەكەندىگىن كورسەتىپ بەردى»، - دەدى مەملەكەت باسشىسى.
ماسەلەن، ق ر پرەزيدەنتىنىڭ اتاپ وتۋىنشە، اۋانىڭ ناشار ساپاسى ەكونوميكا ءوسىمىنىڭ باياۋلاۋىنا جانە قازاقستان ج ءى ءو- ءسىنىڭ جىل سايىن 1,5-2 پايىز دەڭگەيىندە ىسىراپ بولۋىنا الىپ كەلەدى.
«تۇراقتى دامۋ كونتسەپتسياسى «ەكولوگيا- ەكونوميكا- قوعام» ءۇش تاعانىندا ۇيلەسىمدى ءوزارا ءىس- قيمىل ءۇشىن شەك بولا الادى. ەكولوگيالىق پروبلەمالاردى شەشۋدى مۇنان ارى كەيىنگە قالدىرا بەرۋگە بولمايدى. جاھاندىق ەكولوگيالىق اينالىم، يننوۆاتسيانىڭ دامۋى مەن ۇزدىكسىز سيفرلاندىرۋ الەمدىك نارىقتى وزگەرتەدى جانە تۇراقتى ەكونوميكالىق ءوسىمدى قامتاماسىز ەتۋ ءۇشىن جاڭا ادىستەردى تالاپ ەتەدى. قازاقستان باي ەكونوميكالىق رەسۋرستارمەن جولى بولعان. بۇل ءبىزدىڭ اكتيۆتەرىمىز ەكەندىگى ءسوزسىز»، - دەدى قاسىم- جومارت توقايەۆ.
مەملەكەت باسشىسى قازاقستان بارلىق تاراپتىڭ يگىلىگى ءۇشىن كليماتتىڭ وزگەرۋ سالاسىنداعى حالىقارالىق ىنتىماقتاستىقتى بەلسەندى تۇردە قورعايتىندىعىن باسا ايتتى. ەل ۇكىمەتى پارنيكتى گاز شىعارىندىلارىن تومەندەتۋ جانە ەكونوميكانى كومىرتەكسىزدەندىرۋ ءۇشىن ۇزاقمەرزىمدى دامۋ ستراتەگياسىن ازىرلەۋدى باستاعانىن اتاپ ءوتتى.
اۆتور: مارلان جيەمباي
