21:29, 02 - ماۋسىم 2021 | GMT +5
باتىر جۇكەمبايەۆ جەڭىلىپ قالعان جەكپە-جەگى تۋرالى العاشقى رەت پىكىر ءبىلدىردى
نۇر-سۇلتان. قازاقپارات - قازاقستاندىق كاسىپقوي بوكسشى باتىر جۇكەمبايەۆ (18-1 , 14 ك و) پۋەرتوريكالىق سابريەل ماتياستان (17-1 , 17 ك و) جەڭىلگەننەن كەيىنگى ءبىرىنشى پىكىرىن ءبىلدىردى، دەپ جازادى Vesti.kz ءتىلشىسى.
بوكسشى Instagram پاراقشاسىندا جازبا قالدىرىپ، وندا ءوزىنىڭ بولاشاعى تۋرالى دا ايتتى.
ەسكە سالايىق، قازاقستاندىق بوكسشى ا ق ش جەرىندە العاشقى كەزدەسۋىن وتكىزىپ، جەڭىلىپ قالعان بولاتىن. ال ونىڭ قارسىلاسى IBF بەلبەۋى چەمپيونىنىڭ مىندەتتى قارسىلاسى اتاندى.
«قانداي جاعدايدا دا، اللاحقا شۇكىر ەتەمىن! بويىمىزداعى تەكتىلىك پەن نامىس ءبىزدى اركەز العا جەتەلەگەن! قانداي سىناقتار بولماسىن، وسى قاسيەتتەر بىزگە سىنۋعا مۇمكىندىك بەرمەيدى!
قارسىلاستى لايىقتى باعالايمىن. بۇل جەكپە-جەك مەن ءۇشىن ۇلى ۇمتىلىستارعا اتتاناتىن جاڭاشا جول بولماق. مەن ارتىمدا ءۇمىت ارتقان ميلليونداعان قازاقتىڭ قولداۋىن سەزەمىن! تاياۋ ۋاقىتتا جاتتىعۋعا قايتا ورالىپ، ماقساتىما جەتۋ ءۇشىن بارىمدى سالامىن. مەن قارىمتا ايقاسقا دايىنمىن!»، - دەپ جازدى بوكسشى.
