قازاقستاندا ءبىر ايدا نە قىمباتتادى؟
بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.
2021-جىلعى مامىردا ونىڭ الدىڭعى ءساۋىر ايىنا قاراعاندا باعا ازىق- تۇلىك تاۋارلارىنا - 0,8 پايىز، ازىق-تۇلىك ەمەس تاۋارلارىنا - 0,6 پايىز، اقىلى قىزمەتتەرگە 0,7 پايىز جوعارىلادى.
باعانىڭ ءوسۋى قىزىلشاعا - 27,7 پايىز، سابىزگە - 16,1 پايىز، كارتوپقا - 11,1 پايىز، كۇنباعىس مايىنا - 3,3 پايىز، قوي ەتىنە - 3,2 پايىز، قىرىققاباتقا - 3 پايىز، قۇمشەكەرگە، جاڭا جينالعان جەمىستەرگە - 1,7 پايىزدان، جارمالارعا، ماكارون ونىمدەرىنە، قۇس ەتىنە - 1,3 پايىزدان، شايعا - 1,2 پايىز، ەت ونىمدەرىنە - 1,1 پايىز، ۇنعا، سارى مايعا - 1 پايىزدان، سۇتكە 0,8 پايىز تىركەلدى.
سونداي-اق مينەرالدى جانە اس سۋ - 2 پايىز، سالقىنداتىلعان سۋسىندار - 1,7 پايىز، الكوگولدى سۋسىندار 0,9 پايىز قىمباتتادى.
مامىر ايىندا ارزاندادى:
قيار - 23,4 پايىز، قىزاناق - 17,2 پايىز، جۇمىرتقا 2,8 پايىز، اپەلسين 2,8 پايىز.
باعا ءوستى:
اۆتوموبيلدەرگە - 2 پايىز، شىنى جانە قىش بۇيىمدارعا - 1 پايىز، ىدىس-اياققا - 0,9 پايىز، جۋعىش جانە تازالاعىش قۇرالدارعا - 0,8 پايىز، كيىم جانە اياق كيىمگە - 0,7 پايىز، قۇرىلىس ماتەريالدارىنا - 0,6 پايىز، جەكە قولدانىلاتىن تاۋارلارعا 0,4 پايىز.
بۇدان بولەك، بەنزين قۇنى - 1,8 پايىز، باللونداعى ءسۇيىتىلعان گاز - 1,2 پايىز، ديزەل وتىنى 0,9 پايىزعا كوتەرىلدى.
مونشا قىزمەتى - 2 پايىز، ساناتوري قىزمەتى - 1,9 پايىز، كابەلدىك تەلەۆيزيا قىزمەتى - 1 پايىز، شاشتارازدار مەن سۇلۋلىق سالوندار قىزمەتى، قوناق ۇيلەر قىزمەتى - 0,9 پايىز، قوعامدىق تاماقتانۋ قىزمەتى - 0,6 پايىز، جولاۋشىلاردىڭ اۋە كولىگىمەن جول ءجۇرۋ اقىسى - 8,7 پايىز، قالالىق اۆتوبۋسپەن قاتىناۋ 1,4 پايىز قىمباتتادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر قوقىس شىعارۋعا - 5,7 پايىز، ەلەكتر ەنەرگياسىنا 1,7 پايىز جوعارىلادى، ال ىستىق سۋعا 1 پايىز تومەندەدى.
