يتاليالىقتار ادام ەموتسياسىن اڭعاراتىن روبوتتى جاساپ شىعاردى

نۇر-سۇلتان.قازاقپارات - يتاليالىقتار ادامنىڭ ەموتسياسىن سەزەتىن جانە جاۋاپ بەرەتىن ورگانويد ويلاپ تاپتى، دەپ حابارلايدى «حابار 24».

مامانداردىڭ ايتۋىنشا، بۇل روبوت اسىرەسە، اۋتيزم جانە التسگەيمەر اۋرۋلارىنا شالدىققان ادامدار ءۇشىن پايدالى بولماق. ابەل دەپ اتالاتىن گۋمانويدقا 12 جاستاعى ۇلدىڭ بەينەسى بەرىلگەن. بەت- الپەتى، قولدارى تۋرا ادامدىكىندەي اسەر قالدىرادى. ابەلدىڭ جاساندى تەرىسىنىڭ استىنا كولەمى ءارتۇرلى 20 دان استام پەزوەلەكترلى قوزعالتقىشتار تارتىلعان. ول سويلەۋشىنى كامەرالار، بيناۋرالدى ميكروفوندار مەن تەرموسكانەرلەر ارقىلى قابىلداپ، زەرتتەيدى.

لورەنتسو كومينەللي، زەرتتەۋشى:

- بۇل تەحنيكا ماماندارى مەن سۋرەتشىلەر بىرلەسە قولعا العان بىرەگەي جوبا. بۇل قۇرال جاساندى ينتەللەكتىنىڭ ءونىمى. ابەلدى جاساۋ ارقىلى ءبىز ماشينا فيزيكالىق قانا ەمەس، سونداي- اق مەنتالدى جانە ەموتسيالىق اسەردى بەرە الا ما ەكەنىن زەرتتەپ بىلگىمىز كەلەدى.

www.24.kz