الاياقتار ۇلتتىق بانكتىڭ قىزمەتكەرى رەتىندە حابارلاسا باستاعان

نۇر- سۇلتان. قازاقپارات - قازاقستان ۇلتتىق بانكى اقشا جىمقىرۋ ماقساتىندا ازاماتتاردىڭ جەكە دەرەكتەرىنە يە بولۋ ءۇشىن ۇلتتىق بانكتىڭ قىزمەتكەرى رەتىندە تەلەفون شالاتىن الاياقتاردىڭ كوبەيە باستاعانىن ەسكەرتەدى، دەپ حابارلايدى قازاقپارات.

«ۇلتتىق بانك جەكە تۇلعالاردىڭ شوتتارىنا قىزمەت كورسەتپەيدى، اقشالاي ەسەپ ايىرىسۋ مەن مامىلە جاسامايدى. ۇلتتىق بانكتە شوتتاردى تەك قانا ۇلتتىق بانكتىڭ، ەكىنشى دەڭگەيلى بانكتەردىڭ، شەكتەۋلى زاڭدى تۇلعالاردىڭ وپەراتسيالارىن ەسەپكە الۋ ءۇشىن اشىلادى»، دەلىنگەن حابارلامادا.

وسىعان بايلانىستى قازاقستان ۇلتتىق بانكى «اقشا جىبەرىڭىز» دەگەن ەلەكتروندى حاتتار مەن بەلگىسىز نومىرلەردەن تۇسكەن قوڭىراۋعا جاۋاپ بەرمەۋگە كەڭەس بەرەدى.

«بەلگىسىز بانك شوتتارىنىڭ رەكۆيزيتى كورسەتىلگەن اياق استى اقشاعا تاپ بولاسىز» دەگەن حابارلاما نەمەسە تەلەفون قوڭىراۋى كوبىنەسە الاياقتاردىڭ ارەكەتى ەكەنىن بايقاتادى.

ۇلتتىق بانكتەن «اقشا جونەلتىڭىز» دەگەن سيپاتتا كۇماندى حات كەلسە نەمەسە قوڭىراۋ تۇسسە، قۇقىق قورعاۋ ورگاندارىنا ارىزدانۋ قاجەت»، دەلىنگەن ەسكەرتۋدە.