قازاقستان د س ۇ- عا مۇشە ەلدەر مينيسترلەرىنىڭ كونفەرەنسياسىنا ءتوراعالىق ەتەدى
بۇل تۋرالى قازاقستان پرەزيدەنتى قاسىم-جومارت توقايەۆ دۇنيەجۇزىلىك ساۋدا ۇيىمىنىڭ باس ديرەكتورى نگوزي وكوندجو-يۆەالامەن ۆيدەو كونفەرەنسيا فورماتىندا كەزدەسۋ بارىسىندا ايتىلدى، دەپ حابارلايدى قازاقپارت.
كەزدەسۋدە قازاقستاننىڭ توراعالىعىمەن وتەتىن د س ۇ- عا مۇشە ەلدەر مينيسترلەرىنىڭ 12-كونفەرەنسياسىنا دايىندىق ماسەلەلەرىنە ەرەكشە نازار اۋدارىلدى.
«ءبىز ءۇشىن بيىلعى قاراشانىڭ سوڭى جەلتوقساننىڭ باسىندا وتەتىن د س ۇ- عا مۇشە ەلدەر مينيسترلەرىنىڭ 12-كونفەرەنسياسىنا ءتوراعالىق ەتۋ ۇلكەن مارتەبە. قازاقستان ۇكىمەتى ورتاق ءىس-شارامىزدىڭ بارلىق مازمۇندىق جانە ۇيىمداستىرۋشىلىق ماسەلەلەرىنە قاتىستى پىسىقتاۋ جۇمىستارى بويىنشا د س ۇ حاتشىلىعىمەن تىعىز ىقپالداستىق ورناتادى»، - دەدى مەملەكەت باسشىسى.
پرەزيدەنتتىڭ ايتۋىنشا، قازاقستان كوپجاقتى ساۋدا جۇيەسىن بەلسەندى جاقتايتىن بولعاندىقتان، كونفەرەنسيانىڭ ناقتى ناتيجە اكەلۋىنە مۇددەلى. سونداي-اق كۇن تارتىبىندەگى بارلىق شەشىلمەگەن ماسەلەلەردى تالقىلاۋعا ءوز تاراپىنان كونسترۋكتيۆتى تۇردە ۇلەس قوسۋعا دايىن ەكەنىن جەتكىزدى.
