جاڭا وقۋ جىلىندا ءداستۇرلى فورماتقا ورالاتىندىعىمىزعا ۇمىتتەنەمىن - ءبىلىم ءمينيسترى
«بۇل وتە وزەكتى ساۋال. مۇنىڭ بارلىعى سانيتارلىق- ەپيدەميولوگيالىق جاعدايعا، ءبىزدىڭ ءجۇرىس- تۇرىسىمىزعا بايلانىستى. ەگەر حالىقتىڭ باسىم بولىگىن ۆاكسيناتسيالاي الساق، بارلىق سانيتارلىق- ەپيدەميولوگيالىق تالاپتار مەن شەكتەۋلەردى ساقتاساق، وندا كەلەسى وقۋ جىلىندا، قىركۇيەكتە ءبىلىم بەرۋ ۇيىمدارىمىز، ەڭ الدىمەن ارينە مەكتەپتەر اشىلادى»، - دەدى اسحات ايماعامبەتوۆ.
سونىمەن قاتار ول بالالار دا، مۇعالىمدەر دە ءبىلىم بەرۋدىڭ ءداستۇرلى فورماتىنا تەزىرەك ورالۋدى قالايتىندىعىن باسا ايتتى.
«ءبىراق، بارلىعى وزىمىزگە، بۇكىل قوعامعا بايلانىستى بولادى. ۆاكسيناتسيا قارقىنىنا، بۇگىندە مەملەكەت قابىلداپ جاتقان ەپيدەمياعا قارسى ءىس- شارالارعا وراي كەلەسى وقۋ جىلىندا مەكتەپتەردى اشىپ، ءداستۇرلى فورماتقا ورالامىز دەپ ۇمىتتەنەمىن. تاعى دا ايتامىن، بارلىعى وزىمىزگە بايلانىستى»، - دەدى مينيستر.
اۆتور: مارلان جيەمباي
