قازاقستان- رەسەي شەكاراسىندا گەرويننىڭ اسا ءىرى پارتياسى تاركىلەندى

نۇر- سۇلتان. قازاقپارات - باتىس قازاقستان وبلىسىندا شەكاراشىلار ءىرى كولەمدە ەسىرتكى پارتياسىن انىقتادى، دەپ حابارلايدى ق ر ۇ ق ك باسپا ءسوز قىزمەتى.

««سىرىم» اۆتوموبيل وتكىزۋ پۋنكتىندە (باتىس قازاقستان وبلىسى) «لەدي» اتتى قىزمەتتىك ءيتتى پايدالانا وتىرىپ قىرعىز رەسپۋبليكاسى ازاماتى مىنگەن «Renault Magnum» اۆتوماشيناسىندا جالپى سالماعى 135 ك گ 493 گ ر 52 م گ ا ق- سۇر ءتۇستى ۇنتاق ءاۆتوموبيلدىڭ ارتقى دوڭگەلەكتەرىندە جاسىرىلعانى انىقتالدى» دەلىنگەن حابارلامادا.

تاركىلەنگەن زات ودان ءارى پروتسەستىك ارەكەتتەر جۇرگىزۋ ءۇشىن ۇ ق ك باتىس قازاقستان وبلىسى بويىنشا دەپارتامەنتىنە بەرىلدى. ساراپتاما ناتيجەلەرى بويىنشا ول سالماعى 39 ك گ 341 گ ر 77 م گ گەروين جانە سالماعى 96 ك گ 151 گ ر 75 م گ گاشيش ەكەنى انىقتالدى.

وتكىزۋ پۋنكتتەرىندە تەكسەرۋ جۇرگىزۋ كەزىندە قىزمەتتىك يتتەر تاپتىرمايتىن كومەكشى بولدى. وتكەن جىلدىڭ جەلتوقسان ايىندا «دجەك» اتتى قىزمەتتىك ءيتتىڭ كومەگىمەن قازاقستان- قىرعىز شەكاراسىندا جالپى سالماعى 60 ك گ 370 گ ر گەرويننىڭ ءىرى پارتياسى تابىلدى.