نۇرسۇلتان نازاربايەۆ جەتەكشى الەمدىك جانە وتاندىق ب ا ق-قا سۇحبات بەرۋى مۇمكىن
بۇل تۋرالى ەلباسىنىڭ باسپا ءسوز حاتشىسى ايدوس ۇكىباي ءمالىم ەتتى، دەپ حابارلايدى قازاقپارات ءتىلشىسى.
«تۇڭعىش پرەزيدەنت اتىنا وتاندىق جانە شەتەلدىك باق وكىلدەرىنەن ءتۇرلى تاقىرىپتا سۇحبات جازۋ وتىنىشىمەن وتە كوپ حات كەلىپ ءتۇستى. قازىر بۇل جوبالاردى ۇيىمداستىرۋ ءۇشىن جۇمىس ىستەپ جاتىرمىز. جۋرناليستەر تاراپىنان ساۋال وتە كوپ. وكىنىشكە وراي بارلىق جوباعا قاتىسۋ مۇمكىن ەمەس. دەگەنمەن، ەلباسى قازىردىڭ وزىندە بىرنەشە سۇحبات جازدى. سونىمەن قاتار جەتەكشى الەمدىك جانە وتاندىق ب ا ق ءۇشىن سۇحبات ۇيىمداستىرۋ ماسەلەسى پىسىقتالىپ جاتىر»، - دەدى ايدوس ۇكىباي.
سونىمەن قاتار ول تاياۋدا ەلباسىنىڭ ب ا ق ىشىندەگى سەرۋەندەگەن ءساتى بەينەلەگەن سۋرەتكە قاتىستى پىكىر ءبىلدىردى. ونىڭ اتاپ وتۋىنشە، بۇل سۋرەت ارناۋلى فوتو سەسسيا بارىسىندا تۇسىرىلمەگەن.
«ەگەر ناقتىراق ايتار بولساق، نۇرسۇلتان نازاربايەۆ كاسىبي فوتوسەسسياعا سوڭعى رەت 2013 -جىلى قاتىسقان بولاتىن. سودان كەيىن ەشقانداي فوتوسەسسيا ۇيىمداستىرىلعان ەمەس. ارينە، باسپا ءسوز قىزمەتىمىزدىڭ تاراپىنان دا، وزگە فوتوگرافتاردان دا ۇسىنىس بولدى. ءبىراق، بۇل ماسەلە ازىرشە كۇن تارتىبىندە تۇرعان جوق»، - دەدى ەلباسىنىڭ باسپا ءسوز حاتشىسى.
اۆتور: مارلان جيەمباي
