الماتىدا ماسكا رەجيمى قاشان الىنادى - بەكشيننىڭ جاۋابى

الماتى. قازاقپارات - الماتى قالاسى سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين ونلاين بريفينگ بارىسىندا مەگاپوليستە قانداي جاعدايدا ماسكا رەجيمىنىڭ كۇشىن جويۋعا بولاتىنىن ايتتى، دەپ حابارلايدى قازاقپارات ءتىلشىسى.

«قالادا ەپيدەميولوگيالىق احۋال تولىعىمەن تۇراقتانىپ، ۆاكتسيناتسيانىڭ % 70-75 دەڭگەيىنە جەتكەندە ماسكا رەجيمى جويىلادى»، - دەدى جانداربەك بەكشين.

سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ايتۋىنشا، كوروناۆيرۋستىڭ ءۇشىنشى تولقىنىنىڭ باسەڭدەۋىنە كارانتيندىك شەكتەۋلەردىڭ ەنگىزىلگەنى وڭ اسەر ەتكەن. %20 دىق يممۋندىق قاباتتى قالىپتاستىرۋ ينفەكسيانىڭ تارالۋىنىڭ الدىن الدى، ونىڭ ىشىندە %14 ى ۆاكسينالانعان جانە %5 ى سوڭعى جارتى جىلدا اۋىرىپ- جازىلعاندار.

سونىمەن قاتار، ول قالا تۇرعىندارىن سانيتارلىق- ەپيدەميولوگيالىق قاۋىپسىزدىك شارالارىن قاتاڭ ساقتاۋعا جانە كوروناۆيرۋسقا قارسى تۇرۋدىڭ جالعىز جولى ەكپە سالدىرۋ ەكەنىن ايتىپ، ۆاكسينالانۋعا شاقىردى.

اۆتور: الما مۇقانوۆا