ۇ ق ك الماتى بازارلارىن «باقىلاۋدا» ۇستاعان قىلمىستىق توپ مۇشەلەرىن ۇستاۋ ساتىنەن ۆيدەو جاريالادى
«جەدەل قىزمەتتەردىڭ مالىمەتى بويىنشا، قازاقستاندا اۋىر جانە اسا اۋىر قىلمىستان تايىنبايتىن 40-تان استام توپ بار. ولاردىڭ يەلىگىندە كوپتەگەن قارۋ- جاراق پەن ءىرى ادام كاپيتالى بار، قارجىلىق تۇرعىدا تاۋەلسىز»، - دەلىنگەن كادر سىرتىنداعى مالىمەتتە.
قۇقىق قورعاۋ ورگاندارى 2020 -جىلدىڭ وزىندە عانا 10 قىلمىستىق توپتى جويىپ، 40-تان استام توپ سەركەلەرى مەن مۇشەلەرىن ۇستاعان ەكەن. سولاردىڭ اراسىندا «ايشۋاق- جانتۇگەل» دەگەن اتپەن بەلگىلى ۇيىمداسقان قىلمىستىق توپتىڭ 7 بەلسەندى مۇشەسى دە بار. كۇدىكتىلەر قاۋىپسىزدىك قىزمەتىنىڭ قولىنا 2020 -جىلدىڭ قاراشاسىندا تۇسكەن بولاتىن.
«تەرگەپ- تەكسەرۋ كەزىندە قىلمىستىق توپتىڭ ىقپالى 2018 -جىلى سارىبۇلاق كولىندە زاڭسىز بالىق اۋلاۋ كاسىبىنە باقىلاۋ ورناتقان كەزدەن باستاپ، كەڭەيە تۇسكەنى بەلگىلى بولدى. قولعا تۇسكەن توپ مۇشەلەرى الماتى بازارلارى مەن «سايران» اۆتوبەكەتىن جانە باسقا دا نىسانداردى «باقىلاۋدا» ۇستاعاندارى انىقتالدى.
«الاتاۋ»، «وجەت»، «كەنجەحان» بازارلارىنىڭ كاسىپكەرلەرىنە «قامقورلىق» كورسەتىپ، اتالعان بازارلار مەن «باراحولكانىڭ» اۆتوتۇراقتارىن دا باقىلاۋدا ۇستاعان. توپ مۇشەلەرى قاتىسقان ادام ۇرلاۋ جانە باسقا قىلمىستارمەن بايلانىستى قىلمىستىق ەپيزودتار اشكەرەلەندى»، - دەيدى ۇ ق ك ماماندارى.
ۇستالعانداردىڭ ۇستىنەن كىسى ءولتىرۋ، قاراقشىلىق شابۋىل، بوپسالاۋ جانە وزبىرلىق فاكتىلەرى بويىنشا 17 قىلمىستىق ءىس قوزعالدى. وعان ۇلتتىق قاۋىپسىزدىك كوميتەتى مەن ىشكى ىستەر مينيسترلىگىنىڭ وكىلدەرى جيناعان دەرەكتەر نەگىز بولعان.
«توپتىڭ جەكەلەگەن مۇشەلەرىنىڭ 2016 -جىلى قىلمىس الەمىنىڭ بەدەلدى وكىلى بولعان نۇربەكوۆتىڭ ولىمىنە قاتىسى تۋرالى مالىمەتتەر جينالدى. قازىرگى تاڭدا اتالعان توپتىڭ قالعان مۇشەلەرىن انىقتاۋ جانە ۇستاۋ بويىنشا جۇمىستار ءجۇرىپ جاتىر»، - دەلىنگەن ۇ ق ك مالىمەتىندە.
اۆتور: ەسىمجان ناقتىباي
