باعالى مەتالداردىڭ زاڭسىز اينالىمىنا قارسى كۇرەس كۇشەيتىلەدى - ءماجىلىس

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە رەيدەرلىككە قارسى كۇرەستى كۇشەيتۋ،

كاسىپكەرلىك قىزمەتتى مەملەكەتتىك ورگاندار مەن لاۋازىمدى ادامداردىڭ زاڭسىز ارالاسۋىنان قورعاۋ جانە باعالى مەتالداردىڭ زاڭسىز اينالىمىنا كەدەرگى كەلتىرەتىن شارالاردى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

ءماجىلىستىڭ زاڭناما جانە سوت- قۇقىقتىق رەفورما كوميتەتىنىڭ مالىمەتىنشە، زاڭ جوباسىندا قىلمىستىق، قىلمىستىق- پروتسەستىك كودەكستەرگە، «پروكۋراتۋرا تۋرالى» جانە «باعالى مەتالدار مەن اسىل تاستار تۋرالى» زاڭدارعا تۇزەتۋلەر ۇسىنىلادى. ولار مىنالاردى كوزدەيدى:

- كاسىپكەرلەردى قورعاۋ بويىنشا جوعارى قاداعالاۋ قۇرالدارىن كۇشەيتۋ، اتاپ ايتقاندا، بيزنەس سۋبەكتىلەرىنە مەملەكەتتىك ورگاندار لاۋازىمدى ادامدارىنىڭ ولاردىڭ قىزمەتىنە زاڭسىز ارالاسۋ فاكتىسى بويىنشا تىكەلەي پروكۋراتۋراعا جۇگىنۋ قۇقىعى بەرىلەدى؛

- كاسىپكەرلەردى سالىقتىق قۇقىق بۇزۋشىلىقتار ءۇشىن قىلمىستىق جاۋاپتىلىققا تارتۋدىڭ قولدانىستاعى شەكتەرىن قايتا قاراۋ؛

- كاسىپكەرلىكتى قىلمىستىق قۋدالاۋ ورگاندارىنىڭ شامادان تىس ارالاسۋىنان قورعاۋ جانە تىركەلگەن كاسىپكەرلەرگە قاتىستى تەرگەۋ ارەكەتتەرىن سوتتىڭ نەمەسە پروكۋروردىڭ سانكتسياسىمەن عانا جۇزەگە اسىرۋ؛

- رەيدەرلىك پەن قۇقىق قورعاۋ جانە باقىلاۋشى ورگانداردىڭ كاسىپكەرلەرگە قاتىستى زاڭسىز ارەكەتتەرىنە قارسى كۇرەستى كۇشەيتۋ، سونداي- اق باعالى مەتالداردىڭ زاڭسىز اينالىمىنا توسقاۋىل قوياتىن شارالار.

اتاپ ايتقاندا، قىلمىستىق كودەكستە باعالى مەتالدار مەن اسىل تاستاردىڭ، قۇرامىندا باعالى مەتالدار بار شيكىزات تاۋارلارىنىڭ، سونداي- اق زەرگەرلىك بۇيىمداردىڭ زاڭسىز اينالىمى ءۇشىن قىلمىستىق جاۋاپتىلىقتى كوزدەيتىن جەكە باپتى كوزدەۋ ۇسىنىلادى.

تۇتاستاي العاندا، زاڭ جوباسىنىڭ نورمالارى ازاماتتاردىڭ قۇقىقتارىن قورعاۋدى ارتتىرۋعا، پروكۋراتۋرانىڭ قاداعالاۋىن كاسىپكەرلەردىڭ پروبلەمالارىن ءتيىمدى شەشۋگە قايتا باعدارلاۋعا مۇمكىندىك بەرەدى، كاسىپكەرلىكتىڭ ءوز قىزمەتىنە زاڭسىز ارالاسۋدان، بيزنەس سۋبەكتىلەرىن قىلمىستىق قۋدالاۋ اياسىنا تارتۋدان كەپىلدىكتەرىن نىعايتادى، سونداي- اق وسى تۇزەتۋلەر باعالى مەتالداردىڭ زاڭسىز اينالىمىنا قارسى كۇرەستى كۇشەيتۋگە مۇمكىندىك بەرەدى.

اۆتور: رۋسلان عابباسوۆ