زەينەتاقى جيناعىن مەرزىمىنەن بۇرىن الۋشىلار ءتىزىمى كەڭەيتىلدى
«وسى جىلدىڭ 1-مامىرىنان باستاپ ەرىكتى زەينەتاقى جارناسى ەسەپكە الىناتىن جەكە زەينەتاقى شوتىن اشۋ ءۇشىن ب ج ز ق- عا كەلىپ تۇسكەن العاشقى ەرىكتى زەينەتاقى جارناسى دا نەگىز بولا الادى. وسىلايشا، سالىمشىعا (الۋشىعا) قوردىڭ كەڭسەسىنە بارۋدىڭ قاجەتى جوق. پايداسىنا ە ز ج ەسەپتەلىنەتىن جەكە تۇلعانى سايكەستەندىرۋ ە ز ج اۋدارۋ كەزىندە تولەم تاپسىرماسىنىڭ ەلەكتروندىق فورماتىندا كورسەتىلگەن دەربەس دەرەكتەر (ت ا ءا، ج س ن، تۋعان كۇنى) بويىنشا جۇزەگە اسىرىلادى. ال جەكە تۇلعانىڭ جەكە باسىن كۋالاندىراتىن قولدانىستاعى قۇجاتتىڭ دەرەكتەمەلەرى، تۇراقتى تۇراتىن جەرى تۋرالى بارلىق قاجەتتى مالىمەتتەردى ب ج ز ق مەملەكەتتىك ورگانداردىڭ ءتيىستى اقپاراتتىق جۇيەلەرىنەن الادى»، - دەلىنگەن قور تاراتقان اقپاراتتا.
سونىمەن «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» ق ر زاڭىنىڭ 33-بابى 1-تارماعىنا سايكەس ءبىرىڭعاي جيناقتاۋشى زەينەتاقى قورىندا زەينەتاقى جيناقتارى بار 50 جاسقا تولعان؛ مۇگەدەك بولىپ سانالاتىن؛ ق ر شەگىنەن تىسقارى جەرلەرگە تۇراقتى تۇرۋعا كەتەتىن نەمەسە كەتكەن شەتەلدىكتەر مەن ازاماتتىعى جوق ادامداردىڭ، قازاقستان رەسپۋبليكاسىنىڭ زاڭناماسىندا ايقىندالعان، كەتۋ نيەتىن نەمەسە دەرەگىن راستايتىن قۇجاتتاردى ۇسىنعان؛ ءبىرىڭعاي جيناقتاۋشى زەينەتاقى قورىنداعى جانە (نەمەسە) ەرىكتى جيناقتاۋشى زەينەتاقى قورىنداعى ەرىكتى زەينەتاقى جارنالارى مەن ولارعا ەسەپتەلگەن ينۆەستيتسيالىق كىرىس سومالارى شەگىندە كەمىندە بەس جىل زەينەتاقى جيناقتارى بار ادامداردىڭ ەرىكتى زەينەتاقى جارنالارى ەسەبىنەن ءبىرىڭعاي جيناقتاۋشى زەينەتاقى قورىنان زەينەتاقى تولەمدەرىنە قۇقىعى تۋىندايدى.
1-مامىردان باستاپ كۇشىنە ەنگەن وسى جاڭاشىلدىققا سايكەس ە ز ج بويىنشا تولەمدەردى ەرىكتى زەينەتاقى جارنالارى زەينەتاقى جۇيەسىندە كەمىندە بەس جىل بولعان بارلىق ادامدار الا الادى. وسىلايشا، ە ز ج ەسەبىنەن قاراجات جيناۋدى مىسالى، 20 نەمەسە 30 جاستان باستاي وتىرىپ، تيىسىنشە 25 نەمەسە 35 جاسقا تولعان كەزدە سالىمشىلار وزدەرىنىڭ العاشقى تولەمدەرىن الا باستايدى.
