12:01, 24 - مامىر 2021 | GMT +5
پرەزيدەنت ايىرتاۋ اۋدانىنا قونىس اۋدارعان ازاماتتارعا سالىنعان ۇيلەردىڭ ساپاسىن تەكسەرۋدى تاپسىردى
نۇر- سۇلتان. قازاقپارات - مەملەكەت باسشىسى قاسىم-جومارت توقايەۆ پرەزيدەنت اكىمشىلىگىنە سولتۇستىك قازاقستان وبلىسى ايىرتاۋ اۋدانىنا قونىس اۋدارعان ازاماتتارعا ارنالىپ سالىنعان تۇرعىن ۇيلەردىڭ ساپاسىن تەكسەرۋ تۋرالى تاپسىرما بەردى، دەپ حابارلايدى ق ر پرەزيدەنتىنىڭ باسپا ءسوز حاتشىسى بەرىك ءۋالي.
«مەملەكەت باسشىسى «كازاحستانسكايا پراۆدا» گازەتىندە 24-مامىر كۇنى جاريالانعان «زالوجنيكي راۆنودۋشيا» اتتى ماقالادا ايتىلعان ماسەلەگە نازار اۋداردى. پرەزيدەنت اكىمشىلىگىنە سولتۇستىك قازاقستان وبلىسى ايىرتاۋ اۋدانىنا قونىس اۋدارعان ازاماتتارعا ارنالىپ سالىنعان تۇرعىن ۇيلەردىڭ ساپاسىن تەكسەرۋ تۋرالى تاپسىرما بەرىلدى. تەكسەرۋ جۇمىستارىنىڭ قورىتىندىسى بويىنشا ءتيىستى شارا قولدانىلادى» دەلىنگەن حابارلامادا.
