بيىل سارايشىق قالاشىعى باس قاقپاسىنىڭ اۋماعى جاڭعىرتىلادى
«سارايشىق قالاشىعىنىڭ قازاق ەلىنىڭ تاريحىنداعى ورنى عىلىمي دەرەكتەرمەن، زەرتتەۋلەرمەن، ارتەفاكتىلەرمەن ايقىندالعان. قازىرگى تاڭدا ماقساتىمىز قالاشىقتى ساقتاپ، ۇرپاقتان- ۇرپاققا جەتكىزۋ. وسى ورايدا، سارايشىق قالاشىعىنىڭ ارتەفاكتىلەرىن جىلدان- جىلعا شايىپ كەلگەن جايىق وزەنىنىڭ جاعالاۋلارىن بەكىتۋ ماسەلەسى 2016 -جىلى شەشىلىپ، تاريحي ورىننىڭ سۋعا اعىپ كەتۋ قاۋپى توقتاتىلدى. سارايشىق قالاشىعىنىڭ تاريحي ماڭىزدىلىعى ەسكەرىلە وتىرىپ، بۇرىن كوممۋنالدىق مەنشىكتە بولعان سارايشىق مۋزەي- قورىعى 2018 -جىلى رەسپۋبليكالىق دەڭگەيدەگى، ەجەلگى قالاشىق اۋماعىندا ارحەولوگيالىق جۇمىستار جانە عىلىمي زەرتتەۋلەر جۇرگىزۋگە باعىتتالعان ۇيىم رەتىندە قايتا قۇرىلدى. قالاشىق اۋماعىندا ارحەولوگيالىق جۇمىستار مۋزەي- قورىق ازىرلەگەن عىلىمي جوبالار اياسىندا ىسكە اسىرىلادى»، - دەلىنگەن ۇكىمەت باسشىسىنىڭ جاۋابىندا.
جاريالانعان مالىمەتكە سايكەس، قازىرگى كەزەڭدە مۋزەي- قورىق ۇسىنعان ءۇش جوبا ۇلتتىق عىلىمي كەڭەستە تالقىلانۋدا. عىلىمي جوبالار ۇلتتىق عىلىمي كەڭەستىڭ وڭ ساراپتاماسىنا يە بولعاننان كەيىن رەسپۋبليكالىق بيۋدجەتتەن قارجىلاندىرىلادى. 2020 -جىلى جۇرگىزىلگەن ارحەولوگيالىق جۇمىستاردىڭ ناتيجەسى بويىنشا قالاشىق اۋماعىنداعى تۇرعىن جايلار كونسەرۆاتسيالانىپ، ولاردىڭ تاريحي كەلبەتىن قالپىنا كەلتىرۋ جۇمىستارى جۇرگىزىلۋدە. بۇگىنگى تاڭدا تاريحي كەسەنەلەردىڭ قابىرعالارى، تاندىر وشاقتارى جانە باسقا نىساندارى جاڭعىرتىلدى. ال 2021 -جىلى قالاشىقتىڭ باس قاقپاسى اۋماعىن جاڭعىرتۋ جوسپارلانعان.
تاريحي ارتەفاكتىلەرىن قالپىنا كەلتىرۋ كەزەڭ- كەزەڭىمەن عالىمداردىڭ دەرەكتەرىنە سۇيەنە وتىرىپ جۇرگىزىلەدى. سونىمەن قاتار، ق ر تۋريستىك سالاسىن دامىتۋدىڭ 2019-2025 -جىلدارعا ارنالعان مەملەكەتتىك باعدارلاماسىنا سايكەس ورتا عاسىرلىق سارايشىق قالاشىعى وڭىرلىك دەڭگەيدەگى تۋريستەندىرۋ كارتاسى نىساندارىنىڭ تىزبەسىنە (توپ-50) ەنگىزىلگەن.
«سارايشىق قالاشىعىنا كەلۋشىلەر مەن تۋريستەرگە وڭتايلى جاعداي تۋعىزۋ ماقساتىندا «سارايشىق ۆيزيت- ورتالىعىنىڭ» قۇرىلىسى بويىنشا جوبالاۋ- سمەتالىق قۇجاتتاماسى ازىرلەندى. بۇگىنگى كۇنى ونىڭ قۇرىلىسىنا قاجەتتى قاراجات قاراستىرىلۋدا. ەسكى سارايشىق اۋىلىنىڭ قازىرگى اۋماعى، سونداي- اق زيرات پەن ورتاعاسىرلىق قالانىڭ تاريحي- ارحەولوگيالىق تۇرعىدان زەرتتەلەتىن بولىگى ەسكەرتكىش ايماعىنا كىرگەندىكتەن مۇندا قۇرىلىستىڭ كەز- كەلگەن تۇرىنە تىيىم سالىنعان. بۇل رەتتە ەسكى سارايشىق اۋىلىنىڭ تۇرعىندارىن (ءۇي سانى - 97، حالىق سانى 771 ادام) جاقىن ماڭداعى سارايشىق اۋىلدىق وكرۋگىندەگى بوس جەر ۋچاسكەسىنە بىرتىندەپ كوشىرۋ جوسپارلانۋدا. مادەنيەت جانە سپورت مينيسترلىگى مەن اتىراۋ وبلىسى اكىمدىگىنە مۇددەلى مەملەكەتتىك ورگاندارمەن بىرلەسىپ زاڭنامادا بەلگىلەنگەن تارتىپپەن ۆيزيتورتالىعىنىڭ قۇرىلىسىنا قاجەتتى قاراجاتتى قاراستىرۋدى جانە اۋىل تۇرعىندارىن كوشىرۋ ماسەلەسىن شەشۋدى جەدەلدەتۋ تۋرالى تاپسىرما بەرىلدى»، - دەپ اتاپ وتەدى اسقار مامين جاۋابىندا.
ەستەرىڭىزگە سالا كەتسەك، اتىراۋ وبلىسىنىڭ الەۋمەتتىك- ەكونوميكالىق دامۋ ماسەلەلەرى جونىندەگى كەڭەستە مەملەكەت باسشىسى قاسىم- جومارت توقايەۆ سارايشىق ورتالىعى قۇرىلىسىنا قاتىستى ماسەلەنى دەرەۋ شەشۋدى تاپسىرعان بولاتىن.
