«حاي-تەك» وپەراتسياسى: قىلمىستاردىڭ باسىم بولىگىن ينتەرنەت-الاياقتىق قۇرايدى

نۇر-سۇلتان. قازاقپارات - ەلىمىزدە ينتەرنەت-الاياقتىققا قاتىستى قىلمىستاردىڭ الدىن الۋعا جانە اشۋعا باعىتتالعان «حاي- تەك» وپەراتسياسى وتكىزىلدى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.

«وتكەن اپتادا اقپاراتتاندىرۋ جانە بايلانىس سالاسىنداعى، سونداي- اق اقپاراتتىق تەحنولوگيالاردى، ونىڭ ىشىندە ينتەرنەت- الاياقتىعىنا قاتىستى قىلمىستاردىڭ الدىن الۋعا جانە اشۋعا باعىتتالعان «حاي- تەك» وپەراتسياسى وتكىزىلدى. اتالعان ءىس- شارانىڭ ءۇش كۇنى ىشىندە ينتەرنەت- پايدالانۋشىلاردى الداۋدىڭ كوپتەگەن فاكتىسى انىقتالدى»، - دەدى نۇردىلدا وراز ىشكى ىستەر مينيسترلىگىندە وتكەن باسپا ءسوز ءماسليحاتى بارىسىندا.

ماسەلەن، ەلوردالىق پوليتسەيلەر ازاماتتاردى ينتەرنەت جەلىسىندە جوق پاتەردى جالعا بەرۋ تۋرالى حابارلاندىرۋ ارقىلى الداعان الاياقتى ۇستادى. جالپى سوماسى 300 مىڭ تەڭگەگە ماتەريالدىق شىعىن شەككەن 8 جابىرلەنۋشى انىقتالدى. سونداي-اق وزگەلەردىڭ دەربەس دەرەكتەرىن پايدالانا وتىرىپ، ميكروقارجى ۇيىمدارىندا ونلاين- كرەديتتەر راسىمدەۋمەن اينالىسقان قوستاناي قالاسىنىڭ ەكى تۇرعىنى قولعا ءتۇستى. جەدەل ءىس- شارالار بارىسىندا قوسىمشا 15 جابىرلەنۋشى انىقتالدى. كەلتىرىلگەن زالالدىڭ جالپى سوماسى شامامەن 2 ميلليون تەڭگەنى قۇرايدى.

«وسىنداي سىزبا ارقىلى جاركەنت قالاسىنان كەلگەن ەكى الاياق ازاماتتاردى الدادى. ولار جىل باسىنان بەرى ونلاين- قارىزدار راسىمدەۋ ارقىلى اقشا ۇرلادى. ماتەريالدىق زالال 2 ميلليون 470 مىڭ تەڭگەنى قۇرادى. الماتى قالاسىنىڭ تۇرعىنى olx.kz سايتىنا جالعان حابارلاندىرۋلار ورنالاستىرىپ، جۇك تاسىمالداۋ قىزمەتتەرىن ۇسىنۋ ارقىلى اقشا تاپاقشى بولعان. قازىردىڭ وزىندە 1 ميلليون تەڭگەگە جۋىق سوماعا زارداپ شەككەن 6 جابىرلەنۋشى انىقتالدى. باسقا الدانعان ادامداردى انىقتاۋ ءۇشىن ءىس-شارالار قابىلدانۋدا»، - دەدى ول.

سونىمەن قاتار رەسمي وكىل الماتى قالاسىندا ارنايى تەحنيكالىق قۇرالداردى زاڭسىز ساتقانى ءۇشىن قالا تۇرعىنى ۇستالعانىن ايتتى. ودان باقىلاۋ ساتىپ الۋ بارىسىندا تىڭداۋ مۇمكىندىگى بار 3 GSM ترەكەر تاركىلەندى. تەكسەرۋ جۇرگىزىلۋدە. جالپى، «حاي-تەك» جەدەل الدىن الۋ ءىس- شارالارىن وتكىزۋ كەزىندە رەسپۋبليكا اۋماعىندا بارلىعى 214 قۇقىق بۇزۋشىلىق اشىلدى. ولاردىڭ باسىم بولىگىن ينتەرنەت- الاياقتىق قۇرايدى.

«سونداي-اق، اۆتورلىق جانە ساباقتاس قۇقىقتاردى بۇزۋدىڭ 2 فاكتىسى، ينتەرنەت جەلىسىندە پورنوگرافيالىق ماتەريالداردى تاراتۋدىڭ 8 فاكتىسى جانە اقپاراتتىق تەحنولوگيالاردى پايدالانا وتىرىپ جاسالعان قىلمىستىق قۇقىق بۇزۋشىلىقتاردىڭ وزگە 14 فاكتىسى تىركەلدى. بارلىق ماتەريالدار بويىنشا سوتقا دەيىنگى تەرگەۋ امالدارى جۇرگىزىلۋدە»، - دەدى نۇردىلدا وراز.