سەمەيدە ورازا ايت نامازى كەزىندە سانيتارلىق تالاپتار ساقتالدى ما
بۇگىن بارشا مۇسىلمان قاۋىم قاسيەتتى رامازان ايىنىڭ اياقتالعانىن بىلدىرەتىن ورازا ايت مەرەكەسىن اتاپ وتۋدە. وسى ورايدا سەمەي شاھارىندا جاڭادان بوي كوتەرگەن اباي اتىنداعى مەشىت اۋلاسىندا ايت نامازى العاش رەت وقىلدى.
«ورازا ايت مەرەكەسىن ەرەكشە اتاپ ءوتىپ وتىرمىز. مەشىت اۋلاسىندا تازا اۋادا ايت نامازىن وقىدىق. بارلىق مۇسىلمانداردى وسى قاسيەتتى مەرەكەمەن قۇتتىقتاپ، ءار وتباسىنا اماندىق تىلەيمىن. ناماز كەزىندە بارلىق سانيتارلىق تالاپتار قاتاڭ ساقتالدى. اۋلا اۋماعى ناماز وقيتىن ءاربىر ادامعا 4 شارشى مەتردەن بولىنگەن. بۇعان دەيىن بىرنەشە كۇن بۇرىن كارانتيندىك شەكتەۋلەردى ساقتاۋ قاجەتتىگى جايلى حالىققا اقپاراتتىق- ءتۇسىندىرۋ جۇمىستارىن جۇرگىزگەن بولاتىنبىز»، - دەدى قازاقستان مۇسىلماندارى ءدىني باسقارماسىنىڭ سەمەي ءوڭىرى بويىنشا باس يمامى اسقار ءابىتاي ۇلى.
ايتا كەتەيىك، وتكەن جىلى ەپيدەميولوگيالىق احۋالعا بايلانىستى مەشىتتەردە ءداستۇرلى ورازا ايت نامازى وقىلماعان ەدى.
