15:28, 21 - ءساۋىر 2021 | GMT +6
ا ق ش ەلشىسى قازاقستانمەن تىكەلەي رەيس اشۋعا قاتىستى پىكىر ءبىلدىردى
نۇر-سۇلتان. قازاقپارات - قازاقستانداعى امەريكا قۇراما شتاتتارىنىڭ ەلشىسى ۋيليام موزەر ا ق ش پەن قازاقستان اراسىندا تىكەلەي اۋە رەيستەرىن اشۋ جونىندە پىكىر ءبىلدىردى، دەپ حابارلايدى قازاقپارات ءتىلشىسى.
«وكىنىشكە قاراي، پاندەميا سالدارىنان بوگەلۋ بولعانىن مويىندايمىن. ياعني، بۇل پروتسەسس پاندەميادان كەيىن جالعاسادى. ويتكەنى قازاقستاندا تىكەلەي رەيستەر اشۋعا قويىلاتىن ناقتى ستاندارتتار بار. ولاردىڭ قاتارىندا - جاقسى ۆيزالىق رەجيم جانە قاۋىپسىزدىك ستاندارتتارى بار»، - دەدى ۋ. موزەر ا ق ش ەلشىلىگى ۇيىمداستىرعان ونلاين دوڭگەلەك ۇستەلدە.
ونىڭ ايتۋىنشا، تىكەلەي اۋە رەيسىن ورناتۋ بويىنشا ستاندارتتاردى جەتىلدىرۋ ءۇشىن ۆاشينگتوننان ساراپشىلار كەلۋى ءتيىس.
ەسكە سالا كەتسەك، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ 2019 -جىلى قازاقستان مەن ا ق ش اراسىندا تىكەلەي اۋە رەيستەرىن اشۋ قاجەتتىگىن ايتقان ەدى.
اۆتور: ايجان سەرىكجان قىزى
