جانداربەك بەكشين ورازا قارساڭىندا الماتىلىقتارعا ۇندەۋ جولدادى

الماتى. قازاقپارات- الماتى قالاسى سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين رامازان ايى قارساڭىندا مەگاپوليس تۇرعىندارىنا ۇندەۋ جاسادى، دەپ حابارلايدى قازاقپارات ءتىلشىسى.

«ءبىز قاسيەتتى رامازان ايىنىڭ قارساڭىندا ۇندەۋ جولداپ جاتىرمىز. ەستەرىڭىزدە مە، بىلتىر اۋىزاشار كەزىندە كوروناۆيرۋس ينفەكسياسىن جۇقتىرعانداردىڭ سانى ارتقان بولاتىن. وسىنى ەسكەرىپ بيىلعى رامازان ايىندا ءبىزدىڭ ازاماتتارىمىز ۇجىمدىق ءىس- شارالاردى، سونىڭ ىشىندە ۇيگە قوناق شاقىرۋدى ازايتۋلارىن سۇرايمىز»، - دەدى ول.

ەسكە سالايىق، الماتىدا شەكتەۋلى كارانتيندىك شارالار جەڭىلدەتىلدى. ساۋدا ورتالىعى مەن بازارلارعا جۇمىس كۇندەرى جۇمىس ىستەۋگە رۇقسات بەرىلدى. بۇل تۋرالى قالانىڭ باس مەملەكەتتىك سانيتارلىق دارىگەرى جانداربەك بەكشيننىڭ قاۋلىسىندا جازىلعان.

اۆتور: الما مۇقانوۆا