جازۋشى قابدەش ءجۇمادىلوۆ دۇنيەدەن وزدى

نۇر- سۇلتان. قازاقپارات - قازاقستاننىڭ حالىق جازۋشىسى قابدەش ءجۇمادىلوۆ دۇنيەدەن وزدى، دەپ حابارلايدى قازاقپارات.

قابدەش ءجۇمادىلوۆ - 1936 -جىلى 24 -ساۋىردە ق ح ر، شىڭجاڭ ولكەسى، تارباعاتاي ايماعى، شاۋەشەك اۋدانىندا دۇنيەگە كەلگەن. قازاقستاننىڭ حالىق جازۋشىسى. شاۋەشەك گيمنازياسىن ءبىتىرىپ، جولدامامەن قاز ۇ ۋ- نە (1956) تۇسەدى. 1958 -جىلى قىتاي ۇكىمەتى ورگاندارى كەرى شاقىرىپ الادى. كەيىن 1962 ج. باقتى شەكاراسىن بۇزىپ وتكەن قازاق جاستارىمەن قازاقستانعا ءبىرجولا ورالعان سوڭ، قاز ۇ ۋ-دى ءبىتىردى (1965). .

ونىڭ «جاس داۋرەن» ولەڭدەر، «قازدار قايتىپ بارادى»، «سارى جايلاۋ»، «شاراينا»، «سايگۇلىكتەر» اڭگىمە، پوۆەست جيناقتارى، «كوكەيكەستى»، «باقىت جولىندا»، «اتامەكەن» ت. ب. روماندارى، «سوڭعى كوش» وقىرمان قاۋىمعا جاقسى تانىس.

جۇمادىلوۆكە قىتايداعى قازاقتاردىڭ ءومىرى مەن ازاتتىعى جولىنداعى كۇرەسى سۋرەتتەلگەن «تاعدىر» رومانى ءۇشىن قازاقستان رەسپۋبليكاسىنىڭ اباي اتىنداعى مەملەكەتتىك سىيلىعى بەرىلگەن. قازاق ادەبيەتى گازەتىندە (1965 - 67)، جازۋشى باسپاسىندا (1967- 76)، قازاقستاننىڭ باسپا، پوليگرافيا جانە كىتاپ ساۋداسى ىستەرى جونىندەگى مەملەكەتتىك كوميتەتىندە (1976 - 81) قىزمەت ىستەگەن.

ءجۇمادىلوۆتىڭ العاشقى ولەڭدەرى 1954 -جىلدان جەرگىلىكتى باسپا ءسوز بەتتەرىندە، ال جامال تىرناقالدى اڭگىمەسى 1956 -جىلى ۇرىمجىدە شىعاتىن شۇعىلا جۋرنالىندا جاريالانعان. ءجۇمادىلوۆتىڭ ءبىر ولەڭدەر جيناعى، سەگىز رومان، بەس پوۆەست، ونداعان اڭگىمە، ماقالالار جيناقتارى جارىق كورگەن.

ولاردىڭ نەگىزگىلەرى قازدار قايتىپ بارادى (1967) اتتى اڭگىمەلەر جيناعى، كوكەيكەستى (1969)، سوڭعى قوش (1974 - 81)، اتامەكەن (1985)، تاعدىر (1988) روماندارى، سوڭعى كوش (1-كىتاپ 1974؛ 2-كىتاپ 1981) جانە دارابوز (1-كىتاپ 1994؛ 2-كىتاپ 1996) ديلوگيالارى. ءجۇمادىلوۆتىڭ سوڭعى جىلدارداعى كولەمدى شىعارماسى - تاڭعاجايىپ دۇنيە (1998) عۇمىرنامالىق، قىل كوپىر (2003) روماندارى.