ۇلى بريتانيا «كوروناۆيرۋس پاسپورتىن» سىناقتان وتكىزبەك

نۇر-سۇلتان. قازاقپارات - بريتانيا بيلىگى ساۋىردە پيلوتتىق تارتىپتە كورەرمەندەرمەن بۇقارالىق ءىس-شارالاردى وتكىزۋگە مۇمكىندىك بەرەتىن شارالار قاتارىن سىناۋدى باستايدى.

اتاپ ايتقاندا، اۋرۋ تۋرالى جازبالار، COVID-19 - عا قارسى ۆاكتسيناتسيا جانە پ ت ر- دىڭ بۇرىس ناتيجەلەرى جايلى مالىمەت ەنگىزىلەتىن «كوروناۆيرۋس پاسپورتىن» تەستىلەيدى، دەپ حابارلايدى قازاقپارات BBC- گە سىلتەمە جاساپ.

بۇل جۇيەنى سىناۋشىلار، ولاردىڭ ىشىندە 40 كونسەرۆاتور دەپۋتات اتالمىش سەرتيفيكاتتار جۇيەسىن «كەمسىتۋشىلىك جانە ءتيىمسىز» بولۋى مۇمكىن دەپ سانايدى.

دەپۋتاتتاردىڭ ويلارىن جەتەكشى عالىمدار قولدادى. ولاردىڭ قاتارىندا ينفەكتسيالىق اۋرۋلار بويىنشا ساراپشى مايك تيلدەسلي بار. ول كوپ ادامدار ۆاكتسيناتسيا الا الماي تۇرعان كەزدە، اتالعان جوبانى ەنگىزۋگە ءۇزىدى-كەسىلدى قارسىلىق تانىتتى.

Telegraph-تىڭ حابارلاۋىنشا، «كوروناۆيرۋس پاسپورتى» تەحنولوگياسى الداعى كۇزگە دەيىن دايىن بولماۋى مۇمكىن. بريتان ۇكىمەتى تاراتقان مالىمەتكە سايكەس، ونى قولدانىسقا ەنگىزۋگە «اپتا ەمەس، ايلار» كەتەدى.

ۇسىنىلعان جوسپار تەك انگليانى قامتىعانىمەن، ۇكىمەت بۇل جۇيەنى شوتلانديا، ۋەلس جانە سولتۇستىك يرلانديامەن تالقىلاۋ ۇستىندە.