فۋتبول: «اتىراۋ» قاتارىنان ءۇشىنشى مارتە جەڭىلدى

نۇر-سۇلتان. قازاقپارات - كەشە فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ العاشقى ءۇش ويىنى ءوتتى، دەپ حابارلايدى قازاقپارات ءتىلشىسى.

«اتىراۋ» بيىلعى دوپ دوداسىندا قاتارىنان ءۇشىنشى مارتە جەڭىلىستىڭ اشى ءدامىن تاتتى. بۇل جولى «اقتوبە» كومانداسىنا 1:3 ەسەبىمەن ەسە جىبەردى. ويىننىڭ 33-مينۋتىندا الاڭ يەلەرى ساپىنان رافاەل وسپانوۆ ەسەپ اشقان ەدى. ودان كەيىن اقتوبەلىك كلۋب قاتارىنان ماكسيم فەدين 45، ەرۆەين مۋكام 73، ريفات نۇرمۇعامەت 82-مينۋتتاردا مەرگەندىك تانىتتى.

اقتاۋدىڭ «كاسپيى» ءوز الاڭىندا تالدىقورعاننىڭ «جەتىسۋىن» 2:0 ەسەبىمەن ءسۇرىندىردى.

وسىلايشا اقتاۋلىق فۋتبولشىلار بىرىنشىلىكتەگى العاشقى جەڭىسىنە قول جەتكىزدى. ولاردىڭ قاتارىنان ۋادجي سالي 12-مينۋتتا پەنالتيدەن، رۋسلان مينگازوۆ 82-مينۋتتا گول سوقتى.

بۇگىنگى ويىنداردى تۇركىستاندا جەرگىلىكتى «تۇران» مەن قىزىلوردانىڭ «قايسار» كوماندالارى تۇيىندەدى.

الاڭ يەلەرى قاتارىنان 90-مينۋتتا تەمىرلان ەرلانوۆ ەسەپ اشسا، وعان ارادا ءبىر مينۋت وتكەندە «قايسار» ويىنشىسى ارمان كەڭەسوۆ ءبىر گولمەن جاۋاپ قايىردى.

ويىن 1:1 ەسەبىمەن تەڭ اياقتالدى. ءۇشىنشى تۋرداعى قالعان كەزدەسۋ 5- ناۋرىزدا وتكىزىلەدى.

بۇل كۇنى 15.00 دە پەتروپاۆلدا «قىزىلجار» مەن قاراعاندىنىڭ «شاحتەر» كوماندالارى كەزدەسەدى.

ودان كەيىن 17.00 دە شىمكەنتتە «ورداباسى» مەن ورالدىڭ «اقجايىق»، الماتىدا «قايرات» پەن «تاراز» كوماندالارى جاسىل الاڭعا شىعادى.