الماتى اكىمى قالاداعى ەكپە ەگەتىن پۋنكتىلەردىڭ جۇمىسىن تەكسەردى

الماتى. قازاقپارات - الماتى قالاسىنىڭ اكىمى باقىتجان ساعىنتايەۆ ءبىرقاتار قالالىق ەمحاناعا بارىپ، ۆاكسينالاۋدىڭ ۇيىمداستىرۋ جۇمىسىمەن تانىستى، دەپ حابارلايدى قازاقپارات ءتىلشىسى.

شاھار باسشىسى Instagram پاراقشاسىدا №5-اۋرۋحانا جانە № 15، 17، 29 ەمدەۋ مەكەمەلەرىندە ورنالاسقان ەكپە كابينەتتەرىنىڭ جۇمىسىمەن تانىسقانىن جازدى.

مەگاپوليس اكىمى ۆاكسينالاۋعا ءبىرىنشى بولىپ كەلگەن الماتىلىقتارمەن اڭگىمەلەستى. ول كوروناۆيرۋسقا قارسى تۇرۋدىڭ جالعىز مۇمكىندىگى ەكپە ەكەنىن ەسكە سالدى. قالالىقتار ۆاكسينالاۋعا تۇسىنىستىكپەن قاراۋدا. ونىڭ مالىمەتى بويىنشا، ۆاكسيناتسيا پۋنكتىلەرى 70 ەمحانادا، 31 ساۋدا ورتالىعىندا، ءىرى مادەني، ءبىلىم جانە سپورت مەكەمەلەرىندە ورنالاستىرىلۋدا.

«قالادا ك ۆ ي تارالۋىن بولدىرماۋ جونىندەگى جەدەل شتابتىڭ وتىرىسىندا جاپپاي ۆاكسيناتسيالاۋ ناۋقانىن ۇيىمداستىرۋ ماسەلەلەرى قارالدى. بارلىعى 250 گە جۋىق پۋنكت اشىلادى. ولاردىڭ جۇمىسىن 2250 مامان - دارىگەرلەر، مەيىربيكەلەر، تىركەۋشىلەر قامتاماسىز ەتەدى. سونىمەن قاتار، دارىگەر رەزيدەنتتەردىڭ ىشىنەن 1200 ەرىكتى تارتىلادى. قوسىمشا ءموبيلدى جىلجىمالى پۋنكتتەر قۇرىلدى»، - دەپ جازدى اكىم.

سونىمەن قاتار، ول كورناۆيرۋسقا قارسى ەرىكتى جاپپاي ۆاكسينالاۋدىڭ بەكىتىلگەن جوسپارىنا سايكەس، سۋىق تىزبەكتى ساقتاۋ ءۇشىن مۇزداتقىشتارمەن جابدىقتاۋعا ەرەكشە نازار اۋدارىلاتىنىن اتاپ ءوتتى.