پرەزيدەنت: ۇكىمەت وتاندىق ۆاكسينانى شىعارۋ جانە شەت ەلدەن اكەلۋ ارقىلى ساۋىردە جاعدايدى كۇرت وزگەرتۋگە ءتيىس
ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەستە ق ر پرەزيدەنتى قاسىم-جومارت توقايەۆ وسىلاي ءمالىم ەتتى، دەپ حابارلايدى قازاقپارات.
«ۇكىمەت وتاندىق ۆاكسينانى شىعارۋ جانە شەت ەلدەن اكەلۋ ارقىلى ءساۋىر ايىندا جاعدايدى كۇرت وزگەرتۋگە ءتيىس. بارلىق ازاماتتارىمىزدى ۆاكسينا سالدىرۋعا شاقىرامىن. بۇل ءوزىڭىزدىڭ، اتا-انالارىڭىز بەن جاقىندارىڭىزدىڭ ساقتىعى ءۇشىن قاجەت»، - دەپ جازدى پرەزيدەنت Twitter- دەگى پاراقشاسىندا.
مەملەكەت باسشىسىنىڭ ايتۋىنشا ق ح ر، يزرايل، ب ا ءا تاجىريبەسى ەكپە ەكتىرۋدىڭ ويلاستىرىلعان ستراتەگياسى مەن لوكداۋننان شىعۋ عانا ازاماتتارىمىزدىڭ كۇندەلىكتى ءومىرىن قالپىنا كەلتىرۋگە جانە ەكونوميكانىڭ بارلىق سەكتورىنىڭ، ونىڭ ىشىندە، پاندەميادان زارداپ شەككەن سالالاردى قايتا جانداندىرۋعا جول اشاتىنىن كورسەتىپ وتىر.
ەسكە سالا كەتسەك، مەملەكەت باسشىسى ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس وتكىزدى.
