دانيار ەلەۋسىنوۆ كەلەسى جەكپە جەگىنە دايىندالىپ جاتىر

نۇر-سۇلتان. قازاقپارات - قازاقستاندىق كاسىپقوي بوكسشى، جارتىلاي ورتا سالماقتاعى IBF InterContinental تيتۋلىنىڭ يەگەرى دانيار ەلەۋسىنوۆ (10-0، 6 ك و) الداعى جەكپە-جەككە دايىندىعىن باستاپ كەتتى.

بۇل تۋرالى قازاقپارات وليمپيادا چەمپيونىنىڭ Instagram پاراقشاسىنا سىلتەمە جاساپ حابارلايدى.

«قازاق نايزاعايى» دانيار ەلەۋسىنوۆ ءوزىنىڭ Instagram پاراقشاسىندا سپاررينگتەن سۋرەت جاريالادى.

سۋرەتكە قاراپ، ونىڭ سپورتتىق بابىندا بولۋ ءۇشىن تۋعان ەلىندە جۇرسە دە جاتتىعۋدان باس المايتىنىن كورۋگە بولادى. بۇعان دەيىن بوكسشى كەلەسى جەكپە-جەگى 8- مامىردا ساۋل «كانەلو» الۆارەس پەن بيللي دجو سوندەرس جەكپە-جەگىنىڭ اندەركاردىندا ءوتۋى مۇمكىن ەكەنىن ايتقان بولاتىن.

سوڭعى رەت 27- قاراشادا ا ق ش- تا وتكەن جەكپە-جەكتە دانيار ەلەۋسىنوۆ الەمنىڭ ەكس- چەمپيونى ناميبيالىق دجۋليۋس يندونگونى (23-3، 13 ك و) ەكىنشى راۋندتا نوكاۋتقا جىبەرگەن ەدى.