پرەزيدەنت ەسكەرتتى: ەپيداحۋال تۇراقتانباسا ۇكىمەتكە قاتىستى كادرلىق شەشىم قابىلدانادى
«جالپى العاندا، قازىرگى جاعدايىمىز جاقسى ەمەس. ءتىپتى، احۋال وتە كۇردەلى دەپ ايتۋعا بولادى. كوروناۆيرۋس ىندەتى قايتا ءورشىپ كەلەدى. مۇنى قازاقستان عانا ەمەس، كوپتەگەن ەلدەر باستان وتكەرۋدە. ونىڭ نەگىزگى سەبەبى ۆيرۋستىڭ مۋتاتسيالانعان جاڭا شتامدارى بولىپ وتىر. وعان قوسا، ازاماتتارىمىز جانە بيزنەس وكىلدەرى ىندەتتەن ابدەن قاجىپ، سونىڭ سالدارىنان ساقتىق شارالارىنا سالعىرت قاراي باستادى. بۇل، ارينە، جاعدايدى ودان بەتەر ۋشىقتىرۋدا. دەگەنمەن كوپتەگەن ساراپشىلاردىڭ ايتۋىنشا، 2021 -جىلى جالپى احۋال جاقسارىپ، قايتا ءوسىم بولىپ، پاندەميادان كەيىن ازاماتتاردىڭ تۇرمىس ساپاسىنىڭ ارتۋىنا مۇمكىندىكتەر بار»، - دەدى جيىندى اشقان ق ر پرەزيدەنتى.
مەملەكەت باسشىسىنىڭ اتاپ وتۋىنشە، پاندەميامەن كۇرەستىڭ ءساتتى ءوتۋى كەمىندە قىسقا جانە ورتا مەرزىمدە ەلدىڭ باسەكەگە قابىلەتتىلىگىنىڭ نەگىزگى ەلەمەنتتەرىنىڭ بىرىنە اينالىپ وتىر. «الەمدىك قالىپقا كەلۋ ءوسىمىنىڭ جيەگىندە قالىپ قويماۋ، اۋتسايدەر ەلدەر ساناتىنا ءتۇسىپ قالماۋ ماڭىزدى. يممۋنداۋ قارقىنى بويىنشا كوشباسشى ەلدەردەن ءبىرشاما ارتا قالىپ كەلەمىز. بۇگىندە يممۋنداۋ كۋرسىن شامامەن 47 مىڭ ادام (ءبىرىنشى كومپونەنتپەن 137346 ادام) اياقتادى. جاعدايدىڭ مۇنداي سەبەبى قاراپايىم - ۆاكسينا جەتىسپەۋشىلىگى»، - دەدى ق ر پرەزيدەنتى.
قاسىم- جومارت توقايەۆ ەل ۇكىمەتى سپۋتنيك V بويىنشا ۋاعدالاستىق پەن وتاندىق ۆاكسينا ءوندىرىسى ەلدىڭ ۆاكسيناتسياعا قاجەتتىلىگىن تولىقتاي قامتاماسىز ەتەتىندىگىن ايتىپ سەندىرگەندىگىن اتاپ ءوتتى.
«وسى اقپاراتتىڭ نەگىزىندە مەن جاپپاي ۆاكسيناتسيالاۋ 1-اقپاننان باستالاتىندىعىن ايتتىم. ەكى اي وتكەننەن كەيىن حالىقتىڭ 0,1 پايىزعا دا جەتپەيتىن بولىگى ۆاكسينا العان. ەندىگى ماعان وزگە مەملەكەتتەردىڭ باسشىلارىمەن قوسىمشا ۆاكسينا جەتكىزۋگە قاتىستى كەلىسۋگە تۋرا كەلەدى. ءبىز جەدەل جەتكىزىلىم ءۇشىن ءتيىمسىز كوممەرتسيالىق جانە قارجىلىق شارتتارعا كەلىسۋگە ءماجبۇرمىز»، - دەدى قاسىم- جومارت توقايەۆ. ق ر پرەزيدەنتى كوروناۆيرۋسقا قارسى ۆاكسينا جوعارى تەمپەراتۋراعا سەزىمتال ەكەندىگىنە نازار اۋدارتتى.
«ولاردى تاسىمالداۋ، ساقتاۋ، تىكەلەي ەگۋگە قاتىستى بارلىق اسپەكتىلەردى تىڭعىلىقتى پىسىقتاۋ قاجەت. ەڭبەك ۇجىمدارىندا، جەكەلەگەن جۇمىس مايداندارىندا كوروناۆيرۋستىڭ بىرنەشە مارتە ورشىگەنىن ەسكەرە وتىرىپ، كاسىپورىنداردىڭ، اسىرەسە جۇيەلى ءارى قالا قۇراۋشى كاسىپورىنداردىڭ جۇمىسشىلارىن بەلسەندى يممۋنداۋ قاجەت. ۆاكسيناتسيانىڭ ۇزاققا سوزىلۋى - بۇل ابسراكتىلى ەمەس پروبلەما. ءسوز ەلدىڭ ۇلتتىق قاۋىپسىزدىگى جايىندا بولىپ وتىر. بۇل قوسىمشا ناۋقاستار جانە ازاماتتارىمىزدىڭ ءولىم- ءجىتىمى. بۇل بيزنەستىڭ تابىستان ايىرىلۋى، بيۋدجەتكە سالىقتىڭ تولىق تۇسپەۋى، ۇلتتىق بايلىقتىڭ جالپى تومەندەۋى»، - دەدى مەملەكەت باسشىسى. وسى رەتتە ق ر پرەزيدەنتى ەلىمىزدىڭ دەنساۋلىق ساقتاۋ ءمينيسترى الەكسەي سويدىڭ جۇمىسىنا كوڭىلى تولمايتىندىعىن اشىق ءبىلدىردى.
«الەكسەي ۆلاديمير ۇلى، بۇعان دەيىن سىزگە ءدال قازىرگى كەزەڭدە دەنساۋلىق ساقتاۋ مينيسترلىگى ۇكىمەتتەگى باستى فيگۋرا ەكەندىگىن ايتقان ەدىم. ءسىزدىڭ ەرەكشە وكىلەتىڭىز بار. ءسىز جۇمىستى جاقسى باستادىڭىز. دەگەنمەن، ودان كەيىن قارقىندى ايتارلىقتاي تومەندەتىپ جىبەردىڭىز. ءساۋىر بويى ءسىز جاعدايدى دۇرىستاۋىڭىز قاجەت. ولاي بولماعان جاعدايدا ءسىزدىڭ كوڭىلىڭىزدى قاتتى قالدىراتىن كادرلىق شەشىم قابىلدانادى. بۇل تەك دەنساۋلىق ساقتاۋ مينيسترىنە عانا ەمەس، سونىمەن بىرگە بۇكىل ۇكىمەتكە قاتىستى. شەكتەۋلەر مەن ودان كەيىنگى رەيدتەر دە كۇتىلگەن ناتيجەگە قول جەتكىزبەي الەۋمەتتىك شيەلەنىسكە سەبەپ بولىپ وتىر. مونيتورينگ توپتارىنىڭ جۇمىسى كەيدە ىرىكتەۋمەن، اشىق ەمەس سيپاتقا يە بولىپ، ءبىر مەكەمەلەر ۇنەمى تەكسەرىلسە، كەيبىرى مۇلدەم تەكسەرىلمەيدى»، - دەدى قاسىم- جومارت توقايەۆ.
وسى ورايدا مەملەكەت باسشىسى پروكۋراتۋرا جانىندا رەيد كەزىندەگى زاڭ بۇزۋشىلىقتارعا شاعىم جاساۋعا بولاتىن كولل- ورتالىقتار جۇمىس ىستەۋى تيىستىگىنە نازار اۋدارتتى.
«ۇكىمەت جانىنداعى ۆەدموستۆوارالىق كوميسسيا اكىمدەرمەن بىرگە مونيتورينگ توپتارىنىڭ جۇمىسىن رەتكە كەلتىرۋى ءتيىس»، - دەدى پرەزيدەنت. سونداي-اق قاسىم-جومارت توقايەۆ ەڭ الدىمەن ۇكىمەتكە زارداپ شەككەن سالالارداعى شاعىن جانە ورتا بيزنەس سۋبەكتىلەرى ءۇشىن جەكەلەگەن سالىقتار مەن تولەمدەردى تولەۋدى كەيىنگە شەگەرۋ ماسەلەسىن جەدەل پىسىقتاۋدى جۇكتەدى. «ەكىنشىدەن، سالىقتىق جانە كەدەندىك بەرەشەكتەردى ماجبۇرلەپ ءوندىرىپ الۋدى توقتاتا تۇرۋ كەرەك. بۇل شارالار شىن مانىندە جاپپاي ۆاكسيناتسيالاۋ باستالعانعا جانە شەكتەۋلەردىڭ باسىم بولىگى الىنعانعا دەيىن قولدانىستا بولۋى ءتيىس. قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانككە ەكونوميكانىڭ زارداپ شەككەن سەكتورلارىنداعى شاعىن جانە ورتا بيزنەستىڭ كرەديتتەرى بويىنشا تولەمدەرىن كەيىنگە شەگەرۋ مۇمكىندىكتەرىن پىسىقتاۋدى تاپسىرامىن»، - دەدى مەملەكەت باسشىسى.
ق ر پرەزيدەنتىنىڭ دەرەگىنشە، اقپان ايىنان باستاپ پتر- زەرتتەۋ ناتيجەسى جوق اۋە جولاۋشىلارى سانىنىڭ ەكى ەسەگە ارتقانى بايقالادى. ەگەر 2020 -جىلدىڭ قاڭتارىندا قازاقستانعا پتر انىقتاماسىز كەلەتىن تۇلعالاردىڭ ۇلەسى 7,3 پايىزدى قۇراسا، قازىرگى ۋاقىتتا ول 27 پايىزعا جەتىپ وتىر. سونىڭ سالدارىنان ەلىمىزدە كوروناۆيرۋستىڭ مۋتاتسياعا ۇشىراعان جۇققىشتىعى ءبىرشاما جوعارى ءۇش شتاممى دا انىقتالىپ وتىر.
«جۇقتىرۋدىڭ جالپى ءوسىمى جاعدايى اۋىر جانە وتە اۋىر پاتسيەنتتەردىڭ كوبەيۋىمەن، سونىمەن قاتار ءولىم- ءجىتىم جاعدايلارىنىڭ وسىمىمەن بىرگە كەلە جاتىر»، - دەدى قاسىم-جومارت توقايەۆ. مەملەكەت باسشىسى «س ق- فارماتسيانىڭ» جۇمىسىن دا سىنعا الدى.
«جەكەلەگەن وڭىرلەردە ساتىپ الىناتىن جەكە قورعانۋ قۇرالدارىنىڭ تاپشىلىعى نەمەسە ساپاسىنىڭ تومەندىگى بايقالۋدا. ءبىز «س ق- فارماتسيا باسشىلىعىن اۋىستىردىق. ءدال ءقازىر جاڭا باسشىلىقتىڭ باسقارۋ مۇمكىندىكتەرىن كورسەتەتىن ءسات كەلدى. ولاي بولماعان جاعدايدا - جۇمىستان بوساتىلادى»، - دەپ ەسكەرتتى مەملەكەت باسشىسى.
سونىمەن قاتار قاسىم- جومارت توقايەۆ ە ازاماتتارىن ەكپە ماسەلەسىنە جاۋاپكەرشىلىكپەن قاراپ، ءتۇرلى قاۋەسەتتەردەن اۋلاق بولۋعا شاقىردى.
«ءبىز، ەڭ الدىمەن، مىنا نارسەنى ءتۇسىنۋىمىز كەرەك: حالقىمىزدىڭ دەنساۋلىعى مەن ماتەريالدىق يگىلىگى جاپپاي ۆاكسيناتسيالاۋدى تابىستى وتكىزۋىمىزگە بايلانىستى. بيىل - قاستەرلى تاۋەلسىزدىگىمىزگە 30 جىل. بۇل جىل پاندەميامەن كۇرەستەگى تۇبەگەيلى بەتبۇرىستىڭ جانە كوروناۆيرۋستان ءبىرجولا ارىلۋدىڭ جىلى بولۋعا ءتيىس دەپ سانايمىن»، - دەدى مەملەكەت باسشىسى.
اۆتور: مارلان جيەمباي
