توقايەۆ قازاقستاندىقتاردى ەكپە ماسەلەسىنە قاتىستى قاۋەسەتتەردەن اۋلاق بولۋعا شاقىردى

نۇر-سۇلتان. قازاقپارات - ازاماتتارىمىزدى ەكپە ماسەلەسىنە جاۋاپكەرشىلىكپەن قاراپ، ءتۇرلى قاۋەسەتتەردەن اۋلاق بولۋعا شاقىرامىن.

بۇل تۋرالى كوروناۆيرۋس ىندەتىنە قارسى ءىس-قيمىل جونىندەگى جيىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ازاماتتارىمىزدى ەكپە ماسەلەسىنە جاۋاپكەرشىلىكپەن قاراپ، ءتۇرلى قاۋەسەتتەردەن اۋلاق بولۋعا شاقىرامىن. ءبىز، ەڭ الدىمەن، مىنا نارسەنى ءتۇسىنۋىمىز كەرەك: حالقىمىزدىڭ دەنساۋلىعى مەن ماتەريالدىق يگىلىگى جاپپاي ۆاكسيناتسيالاۋدى تابىستى وتكىزۋىمىزگە بايلانىستى»، - دەدى مەملەكەت باسشىسى.