ەلىمىزدە تۇرمىستىق زورلىق- زومبىلىق جاساعانى ءۇشىن ەڭ اۋىر جازا قانداي
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ايتىلدى، دەپ حابارلايدى قازاقپارات ءتىلشىسى.
«وتباسىنداعى زورلىق-زومبىلىق قىلمىستارىنىڭ اۋقىمى كەڭ: اسا اۋىر ەمەس قىلمىس پەن زارداپ شەگۋشىنى ولتىرۋگە دەيىن بارادى. جەڭىل جانە ورتاشا اۋىرلىقتاعى قىلمىستار ءۇشىن ەڭ جەڭىل جازا - ەكى جىلعا دەيىن باس بوستاندىعىنان ايىرىلۋ. ادام ولتىرگەنى ءۇشىن - 20 جىلعا دەيىن باس بوستاندىعىنان ايىرۋ جازاسى تاعايىندالادى. ەگەر قىلمىس اسا قاتىگەزدىكپەن جاسالعان بولسا ءومىر بويى باس بوستاندىعىنان ايىرۋ جازاسى قولدانىلادى»، - دەيدى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى الەكسەي ميليۋك.
سونىمەن قاتار، ق ر ىشكى ىستەر مينيسترلىگى تەرگەۋ دەپارتامەنتىنىڭ باستىعى ەردەن شۇلدەن 2021 -جىلدىڭ ءۇش ايىندا رەسپۋبليكا بويىنشا 68697 عانا قىلمىستىق قۇقىق بۇزۋشىلىق تىركەلگەنىن حابارلادى. ونىڭ ىشىندە وتباسىلىق- تۇرمىستىق سالادا - 203 قىلمىستىق قۇقىق بۇزۋشىلىق ورىن العان.
