پرەزيدەنت بۇگىن كوروناۆيرۋس ىندەتىنە قارسى قابىلدانىپ جاتقان شارالار جونىندە جيىن وتكىزەدى

نۇر-سۇلتان. قازاقپارات - بۇگىن تۇستەن كەيىن ق ر پرەزيدەنتى قاسىم-جومارت توقايەۆ كوروناۆيرۋس ىندەتىنە قارسى قابىلدانىپ جاتقان شارالار جونىندە جيىن وتكىزەدى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.

«بۇگىن تۇستەن كەيىن پرەزيدەنت قاسىم-جومارت توقايەۆ كوروناۆيرۋس ىندەتىنە قارسى ءىس- قيمىل جونىندە جيىن وتكىزەدى. ءىس-شارا بارىسىندا COVID-19 ىندەتىنە شالدىققان ازاماتتاردىڭ كوبەيۋىنە بايلانىستى ەلىمىزدەگى ەپيدەميولوگيالىق احۋالدى تۇراقتاندىرۋعا باعىتتالعان كەشەندى شارالار، سونداي-اق، حالىققا ۆاكسينا سالۋ ماسەلەسى قاراستىرىلادى. جيىنعا ورتالىق مەملەكەتتىك ورگانداردىڭ باسشىلارى، ايماق اكىمدەرى قاتىسادى»، دەپ جازدى بەرىك ءۋالي Facebook-تەگى پاراقشاسىندا.