ەلباسى شوت- امان ءۋاليحانوۆتىڭ وتباسى مەن تۋعان- تۋىستارىنا كوڭىل ايتتى

نۇر- سۇلتان. قازاقپارات- نۇرسۇلتان نازاربايەۆ كورنەكتى ساۋلەتشى، قوعام قايراتكەرى، مەملەكەتتىك سىيلىقتىڭ لاۋرەاتى، ەگەمەن ەلىمىزدىڭ ەلتاڭباسى اۆتورىنىڭ ءبىرى شوت- امان ءۋاليحانوۆتىڭ ومىردەن وتكەنى تۋرالى سۋىت حاباردى ۇلكەن كۇيزەلىسپەن قابىلداپ، ورنى تولماس اۋىر قايعىعا ورتاقتاسىپ، كوڭىل ايتتى، دەپ حابارلايدى قازاقپارات ەلباسىنىڭ رەسمي سايتىنا سىلتەمە جاساپ.

«شوت- امان ىدىرىس ۇلى سان قىرلى دارىنى مەن بيىك پاراساتى، ەسەلى ەڭبەگى ارقىلى ۇلتتىق ساۋلەت ونەرىنىڭ وركەندەۋىنە زور ۇلەس قوسقان تۇلعا ەدى. ازاتتىقتىڭ بەسىگى بولعان الماتى قالاسىنداعى تاۋەلسىزدىك مونۋمەنتىن سومداعان شىعارماشىلىق توپ جەتەكشىسى، سونداي- اق كوپتەگەن ەڭسەلى ەسكەرتكىشتەر مەن كورىكتى عيماراتتاردىڭ اۆتورى رەتىندە ەل مادەنيەتىنىڭ دامۋىنا اتسالىستى. تالانتتى شاكىرتتەر تاربيەلەپ، سوڭىنا ءبىرقاتار عىلىمي- زەرتتەۋ ەڭبەكتەرىن قالدىردى. الاش جۇرتىنىڭ قۇرمەتىنە بولەنگەن ابزال ازاماتتىڭ جارقىن بەينەسى حالىق جادىندا ءاردايىم ساقتالادى دەپ سەنەمىن»، - دەلىنگەن جەدەلحاتتا.