قاسىم- جومارت توقايەۆ تۇركى تىلدەس مەملەكەتتەردىڭ باسشىلارىنا: بەتپە- بەت جۇزدەسەمىز دەپ سەنەمىن
«بۇل باسقوسۋدى ءبارىمىز ءۇشىن قاسيەتتى تۇركىستاندا ۇيىمداستىرۋدى جوسپارلاعان ەدىك. الايدا، پاندەمياعا بايلانىستى كۇردەلى احۋالعا وراي ءبىز ءسامميتتى ونلاين فورماتتا وتكىزۋدى ءجون كوردىك. ىندەتتىڭ بەتى قايتقان سوڭ بۇرىنعىداي بەتپە- بەت جۇزدەسەمىز دەپ سەنەمىن. وسى مۇمكىندىكتى پايدالانا وتىرىپ، بارشاڭىزدى ناۋرىز مەيرامىمەن تاعى دا قۇتتىقتايمىن»، - دەدى بەيرەسمي وتىرىستى اشقان ق ر پرەزيدەنتى. مەملەكەت باسشىسى ناۋرىز كۇللى تۇركى جۇرتىنىڭ ءتول مەرەكەسى ەكەندىگىن باسا ايتتى.
«باۋىرلاس ەلدەرگە ب ا ق- بەرەكە تىلەيمىن. ەندى ءىس- شارانى ۇيىمداستىرۋشى رەتىندە تۇركى كەڭەسىنىڭ بەيرەسمي ءسامميتىن اشىق دەپ جاريالايمىن»، - دەدى قاسىم- جومارت توقايەۆ.
بەيرەسمي سامميت بارىسىندا العاشقى ءسوز تۇركى دۇنيەسىنىڭ تۇتاستىعىنا ۇيىتقى بولعان تۇلعا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆقا بەرىلدى.
ءارى قاراي مەملەكەت باسشىلارى اعىلشىن ءالىپبيىنىڭ رەتى بويىنشا ءسوز سويلەپ، تۇركى كەڭەسىنىڭ باس حاتشىسى بايانداما جاسايتىن بولادى. سامميت سوڭىندا تۇركى ەلدەرىنىڭ مادەني قۇندىلىقتارىنا جانە كەڭەستىڭ مارتەبەسىنە قاتىستى قورىتىندى دەكلاراتسيا قابىلدانادى.
