بالالار اراسىندا كوروناۆيرۋسقا شالدىعۋ نە سەبەپتى ارتتى

نۇر- سۇلتان. قازاقپارات – ق ر د س م سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا بالالار اراسىندا كوروناۆيرۋسقا شالدىعۋ نە سەبەپتى ارتقانىن ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، 1 - قاڭتاردان باستاپ 18 جاسقا دەيىنگى 862 بالا اۋىرعان.

«ناۋرىزدا ىندەتكە شالدىعۋ 5 پايىزعا ارتقانىن كورىپ وتىرمىز. اۋرۋ جۇقتىرۋدىڭ ءوسىمى وقۋشىلار اراسىندا بايقالىپ وتىر. بۇل جاعدايدىڭ وزىندىك سەبەبى بار، ويتكەنى 1 -ناۋرىزدان تەك 1-5، 9-11 سىنىپ بالالارىنان بولەك، باسقا دا سىنىپتارعا وقۋعا رۇقسات بەردىك. سونىمەن بىرگە، ءبىزدىڭ وڭىرلىك دەپارتامەنتتەر ءبىلىم بەرۋ باسقارمالارىمەن بىرلەسە سانيتارلىق- ەپيدەميولوگيالىق تالاپتاردىڭ ورىندالۋى بويىنشا قاداعالاۋدى قامتاماسىز ەتىپ جاتىر»، - دەدى ا. ەسماعامبەتوۆا.

سونىمەن قاتار ول بالالار اراسىندا ىندەتكە شالدىعۋ وسىمىنە قاتىستى پىكىر ءبىلدىردى.

«بۇل رەتتە مەكتەپتەردە بالالاردىڭ الەۋمەتتىك بايلانىستارىنىڭ ارتۋى سەبەبىمەن تۇسىندىرۋگە بولادى. تاعى ءبىر زەرتتەۋ مالىمەتىنە توقتالعىم كەلەدى، «بريتاندىق» شتامم جاستارعا قاتتى اسەر ەتەدى. ياعني جاستار باستاپقى كوروناۆيرۋسقا قاراعاندا، اتالعان شتاممەن ءجيى اۋىرادى»، - دەدى ا. ەسماعامبەتوۆا.