10:57, 30 - ناۋرىز 2021 | GMT +5
قازاقستاندىقتار اتاقتى ۆەرسال سارايىنا ۆيرتۋالدى ەكسكۋرسيا جاساي الادى
نۇر-سۇلتان. قازاقپارات - قازاقستاندىقتار اتاقتى ۆەرسال سارايىنا ونلاين ەكسكۋرسيا جاساي الادى، دەپ حابارلايدى قازاقپارات قازاقستانداعى فرانسيا ەلشىلىگىنىڭ Instagram پاراقشاسىنا سىلتەمە جاساپ.
«1- ءساۋىر كۇنى ۆەرسال سارايىنا ونەرتانۋشى گيد گارري سافاريانمەن بىرگە ۆيرتۋالدى ساياحات جاساي الاسىز! ەكسكۋرسيا ورىس تىلىندە وتەدى. سىزدەر ۆەرسال سارايىنىڭ تاريحى جايلى ءبىلىپ، ونىڭ سالوندارى مەن اپارتامەنتتەرىن ۆيدەوماتەريالدار (كارتينا، مۇسىندەر) مەن سۋرەتتەردەن كورە الاسىزدار»، - دەلىنگەن حابارلامادا.
ەكسكۋرسيا كەزىندە ۆيرتۋالدى كەلۋشىلەر ونەرتانۋشى گيدكە سۇراقتار قويىپ، فرانسيا تاريحىمەن تىكەلەي بايلانىستى ساراي قۇپيالارى جايلى بىلۋىنە بولادى. بۇل بىرەگەي جانە ەكسكليۋزيۆتى ونلاين ەكسكۋرسيا نۇر-سۇلتان ۋاقىتىمەن ساعات 18:30 دا باستالادى.
«قىزىقتى ساياحاتتان قۇر قالماۋ ءۇشىن @franceaukz پاراقشاسىنداعى «ونلاين مادەني شارالارعا جازىلۋ» taplink ءىن باسۋ ارقىلى ءوتىپ، فورمۋلياردى تولتىرۋ كەرەك. تىركەلگەن قاتىسۋشىلار سىلتەمەنى شارا بولاتىن كۇنى الادى»، - دەپ ءتۇسىندىردى ق ر- داعى فرانسيا ەلشىلىگىنەن.