10:42, 30 - ناۋرىز 2021 | GMT +5
كوروناۆيرۋس: قازاقستان «قىزىل» ايماققا كىردى
نۇر-سۇلتان. قازاقپارات - قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا ەل ايماقتارىنداعى ەپيدەميولوگيالىق جاعدايدى باعالاۋ ماتريتساسىن جاريالادى، دەپ حابارلايدى قازاقپارات.
2021-جىلدىڭ 30 - ناۋرىزىنداعى جاعداي بويىنشا، نۇر-سۇلتان، الماتى قالالارى مەن اتىراۋ جانە باتىس قازاقستان وبلىسى «قىزىل» ايماقتا تۇر. «سارى» ايماقتا اقتوبە، الماتى جانە قاراعاندى وبلىستارى ورنالاسقان. قالعان بارلىق ءوڭىر - «جاسىل» ايماقتا. ال قازاقستان «قىزىل» ايماققا ءوتتى.
ەسكە سالا كەتسەك، قازاقستاندا ءبىر تاۋلىكتە 1445 ادام كوروناۆيرۋس جۇقتىردى. ەڭ كوبى الماتى قالاسىندا 545 ادام.
ەلىمىزدە 863 ادام كوروناۆيرۋس ىندەتىنەن ەمدەلىپ شىقتى. قازىر ەمدەۋ مەكەمەلەرىندە 24180 ادام كورونوۆيرۋس ينفەكتسياسىنان ەم-دوم الىپ ءجۇر.
سونداي-اق، 29 - ناۋرىزدا 17 ادام كوروناۆيرۋستان قايتىس بولدى. ونىڭ ەكەۋى كوروناۆيرۋس ينفەكتسياسىنىڭ بەلگىسى بار پنيەۆمونيامەن اۋىرعان.
