مەملەكەت باسشىسى باسەكەلەستىك قورعاۋ جونىندەگى جاڭا زاڭ جوباسىمەن تانىستى
پرەزيدەنتكە باسەكەلەستىكتى دامىتۋ جونىندەگى ۇلتتىق جوبا جايىندا باياندالدى. ونىڭ قۇرامىنا ەكى باعىت جانە 33 نەگىزگى جوبا كىرەدى. بۇل جوبالار ساۋدا بيرجاسى نارىعىنداعى، ەلەكتر ەنەرگياسى، اۋىلشارۋالىعى تاۋارلارى، كولىك، بايلانىس، ІТ قىزمەت سالالارىنداعى كەدەرگىلەردى جويىپ، ونىڭ جالپىعا تەڭدەي قول جەتىمدى بولۋىن قامتاماسىز ەتەدى.
قاسىم- جومارت توقايەۆقا ساۋدا بيرجاسى جۇيەسىنىڭ ىسكە قوسىلعانى تۋرالى ايتىلدى. 2021 -جىلدىڭ 25 -ناۋرىز كۇنى بيتۋمنىڭ ساۋداسى باستالعان. ال 31 - ناۋرىزدا جانار- جاعارماي، ءساۋىر ايىنىڭ باسىندا كومىر ساۋداعا تۇسە باستايدى. بۇل ءوز كەزەگىندە نارىقتىڭ اشىقتىعىن قالىپتاستىرىپ، وعان بولجام جاساۋ تيىمدىلىگىن ارتتىرا تۇسەدى جانە ناقتى نارىق باعامىن الۋعا مۇمكىندىك بەرەدى.
جاقىن ارادا قازاقستان رەسپۋبليكاسى بيرجا كوميتەتىندە احۋال ورتالىعى جۇمىس ىستەي باستايدى. مەملەكەت باسشىسى ۇن نارىعىنىڭ ەرەكشەلىگىن جانە ونىڭ ەكسپورتتىق الەۋەتىن ەسكەرە وتىرىپ، ۇندى بيرجالىق تاۋارلاردىڭ تىزىمىنە قوسۋعا ەرتە دەپ شەشتى.
سەرىك جۇمانعارين مەملەكەت باسشىسىنىڭ جەراستى جولدارىنىڭ قول جەتىمدىلىگىنە تالداۋ جۇرگىزۋ جونىندەگى تاپسىرماسىن ورىنداۋ بارىسىندا ۆاگونداردى قالىپتاستىرۋدى، تەمىر جولداردى جوندەۋ مەرزىمدەرىن رەتتەيتىن قاعيدالار ازىرلەنگەنىن، وسى اپتادا مونوپولياعا قارسى كومپلاەنس اكتىسى جاسالاتىنىن، سونداي- اق، بارلىق جولدارعا بالاما تاسىمالداۋشىلاردى جىبەرۋ قامتاماسىز ەتىلگەنىن ايتتى.
قازىرگى ۋاقىتتا باسەكەلەستىكتى قورعاۋ جانە دامىتۋ اگەنتتىگى «بوگاتىر كومىر» جاۋاپكەرشىلىگى شەكتەۋلى سەرىكتەستىگىنە، «ەير استانا» اكسيونەرلىك قوعامىنا، «سكات» اكسيونەرلىك قوعامىنا قاتىستى، سونداي- اق، دارىلىك زاتتار نارىعىنداعى مونوپولياعا قارسى تەرگەۋلەر جۇرگىزىپ جاتىر. سونىمەن قاتار مەملەكەت باسشىسى باسەكەلەستىك قورعاۋ جونىندەگى جاڭا زاڭ جوباسىمەن تانىستى. پرەزيدەنت باسەكەلەستىكتى ودان ءارى دامىتۋعا، قۇقىق قورعاۋ ورگاندارىمەن ءوزارا ءىس- قيمىلدى جاقسارتۋعا، دارىلىك زاتتار مەن الەۋمەتتىك ماڭىزى بار ازىق- تۇلىك تاۋارلارى نارىقتارىن رەتتەۋگە قاتىستى ءبىرقاتار تاپسىرما بەردى.
