اقوردا «جەر ساعاتى» اكسياسىنا قوسىلدى

نۇر- سۇلتان. قازاقپارات - اقوردا «جەر ساعاتى» اكسياسىنا قوسىلدى. بۇل تۋرالى بۇگىن ق ر پرەزيدەنتىنىڭ باسپا ءسوز حاتشىسى بەرىك ءۋالي ءوزىنىڭ Facebook پاراقشاسىندا جازدى، دەپ حابارلايدى قازاقپارات.

«بۇگىن، ياعني، 27 -ناۋرىز كۇنى «جەر ساعاتى» جاھاندىق اكسياسى اياسىندا الەمنىڭ مىڭداعان قالاسىندا جارىق وشىرىلەدى. بۇل اكسيانىڭ ماقساتى - ادامداردى جەر بەتىندەگى رەسۋرستارعا جاناشىرلىق تانىتۋعا شاقىرۋ. وسى يگى شارانى قولداۋ ماقساتىندا نۇر- سۇلتان قالاسىنىڭ ۋاقىتى بويىنشا ساعات 20:30-دان 21:30-عا دەيىن ەلىمىزدەگى ءبىرقاتار ءىرى نىسانداردىڭ، سونىڭ ىشىندە، پرەزيدەنتتىڭ «اقوردا» رەزيدەنتسياسىنىڭ سىرتقى جارىق شامدارى سوندىرىلەدى. #EarthHour»، - دەلىنگەن حابارلامادا.

وسىعان دەيىن قازاقپارات «جەر ساعاتى» اۋقىمدى ەكولوگيالىق اكسياسى وتەتىنىن حابارلاعان بولاتىن.