14:31, 27 - ناۋرىز 2021 | GMT +5
ەلوردادا قالا ماڭىنا قاتىنايتىن بارلىق اۆتوبۋس توقتاتىلدى
نۇر- سۇلتان. قازاقپارات - اۋا رايىنىڭ قولايسىزدىعىنا بايلانىستى قالا ماڭىنا قاتىنايتىن بارلىق باعىتتاعى قوعامدىق كولىكتەردىڭ قوزعالىسى توقتاتىلدى، دەپ حابارلايدى قازاقپارات City Transportation Systems كومپانياسىنىڭ Instagram-داعى پاراقشاسىنا سىلتەمە جاساپ.
«اۋا رايىنىڭ قولايسىزدىعىنا بايلانىستى (كوكتايعاق) بارلىق قالا ماڭىنا قاتىنايتىن باعدارلاردىڭ قوزعالىسى ۋاقىتشا توقتاتىلدى»، - دەلىنگەن كومپانيانىڭ حابارلاماسىندا.
ەسكە سالا كەتەيىك، 27-ناۋرىز كۇنى ەلىمىزدىڭ باسىم بولىگىندە قۇبىلمالى اۋا رايى ساقتالىپ، جاۋىن- شاشىن (جاڭبىر، قار) بولادى. قازگيدرومەتتىڭ حابارلاۋىنشا، وڭتۇستىك جانە وڭتۇستىك- شىعىس وڭىرلەردە جاڭبىر، وڭتۇستىكتىڭ تاۋلى اۋدانىندا قاتتى جاڭبىر جاۋادى. رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى بولجانادى. سولتۇستىكتە، سولتۇستىك- باتىستا، ورتالىق پەن شىعىستا بۇرقاسىن سوعىپ، وڭتۇستىك- باتىستا شاڭدى داۋىل تۇرادى.
