ەكولوگيا ءمينيسترى قازاقستاندىقتاردى «جەر ساعاتى» اكسياسىنا قاتىسۋعا شاقىردى
قازاقستان دا بۇل شاراعا كەزەكتى رەت اتسالىسادى. ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءوز Twitter پاراقشاسىندا قازاقستاندىقتاردى وسى ەكولوگيالىق ناۋقانعا بەلسەندى قاتىسۋعا شاقىردى.
«بۇگىن قازاقستان ءداستۇرلى تۇردە الەمدەگى ەڭ اۋقىمدى «جەر ساعاتى» ەكولوگيالىق اكتسياسىنا قاتىسادى. بۇل كۇنى 180 ەلدىڭ ميلليونداعان تۇرعىندارى 1 ساعاتقا جارىق پەن ەلەكتر قۇرىلعىلارىن سوندىرەدى. اكتسيانىڭ نەگىزگى ماقساتى - ادامزاتتى تابيعاتقا جاناشىرلىق تانىتۋعا، عالامشار كليماتى مەن ونىڭ شەكتەۋلى رەسۋرستارىن ساقتاۋ ءۇشىن شارالار قابىلداۋعا شاقىرۋ. قازاقستاندا «جەر ساعاتى» اكتسياسى جىل وتكەن سايىن تانىمال بولىپ كەلەدى. ەگەر بۇرىن ناۋقاندى تەك ءىرى قالالار قولداسا، سوڭعى ەكى جىل قاتارىنان بارلىق وڭىرلەر قوسىلىپ جاتىر»، - دەپ جازدى مينيستر.
ماعزۇم مىرزاعالييەۆتىڭ ويىنشا، اكتسيا الەم حالقىن ەكولوگيالىق پروبلەمالاردى شەشۋ جولىندا بىرىكتىرەدى.
«بيىل بۇكىل الەمدىك جابايى تابيعات قورى «جەر ساعاتى» اكسياسىن ەكولوگيالىق اشىقتىق تاقىرىبىنا ارنادى. ەكولوگيالىق پروبلەمالارعا بەي- جاي قارامايتىن بارلىق ازاماتتى وسى الەمدىك ناۋقانعا قاتىسۋعا شاقىرامىن. جەرگىلىكتى ۋاقىت بويىنشا 20:30-دا ءبىر ساعاتقا جارىقتى ءسوندىرۋ كەرەك. بۇل بار عالامنىڭ ەكولوگيانى قورعاۋ مەن ساقتاۋ جولىندا بىرىگۋىنە زور سەرپىن بەرەدى دەپ سەنەم»، - دەيدى ۆەدومستۆو باسشىسى.
ايتا كەتەيىك، اكتسياعا ەكولوگيا، گەولوگيا جانە تابيعي رەسۋرستار مينيسترلىگى، قازاقستاننىڭ ەكولوگيالىق ۇيىمدارىنىڭ قاۋىمداستىعى، «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» ك ە ا ق، «جاسىل» ەكونوميكا جانە G- Global-دى دامىتۋ كواليسياسى» ز ت ب، «QazExpoCongress» ۇلتتىق كومپانياسى» اكتسيونەرلىك قوعامى، «ەco Fund Tabigat» قوعامدىق قورى مەن اكىمدىكتەر قاتىسادى. جەرگىلىكتى ۋاقىت بويىنشا 20:30-دا ەلوردادا اقوردا، ماڭگىلىك ەل مونۋمەنتى، ازىرەت سۇلتان مەشىتتەرى سەكىلدى نىسانداردىڭ دەكوراتيۆتى جارىعى وشىرىلەدى. ەيفەل مۇناراسى، بيگ بەن، كوليزەي سياقتى الەمنىڭ تانىمال ساۋلەت ەسكەرتكىشتەرىنىڭ دە جارىعى 1 ساعاتقا سونەدى.
