سۋەس كانالىن كەمەنىڭ بوگەپ تاستاۋى مۇناي باعاسىنا اسەر ەتتى

نۇر- سۇلتان. قازاقپارات –سۋەس كانالىندا قايراڭدا تۇرىپ قالعان «ەۆەر گيۆەن» جۇك كەمەسىن الىپ شىعۋ وپەراتسياسى جالعاسۋدا.

ەندى الىپ كەمەنى بوساتۋ ءۇشىن ونىڭ ماڭى تەرەڭدەتىلىپ، قۇمنان ارشىلىپ جاتىر. سونىمەن قاتار «ەۆەر گيۆەندى» تارتىپ شىعارۋعا دا كۇش سالىنۋدا.

قۇتقارۋ شاراسىمەن اينالىسىپ جاتقان گوللانديالىق كومپانيا باسشىسى جۇك كەمەسىن شىعارۋعا بىرنەشە اپتا كەتۋى مۇمكىن دەگەندى ايتادى. ساراپشىلار بولسا قۇتقارۋ جۇمىستارىن جۇرگىزۋدە وتە اباي بولۋ كەرەك دەيدى.

سال مەركوگليانو، تاريحشى:

- قازىر قۇتقارۋشىلار بىرنەشە امالدى قاراستىرۋدا. مىسالى، كەمەنىڭ جۇگىن جەڭىلدەتۋدى ءجون كوردى. سۋەس ارناسىن كەڭەيتۋ دە قاراستىرىپ جاتىر. ءبىراق بۇل قادامعا اسا اباي بولعان دۇرىس. سەبەبى، كەمەنىڭ ءبىر بۇيىرىنەن جۇكتى الىپ تاستاعاندا تەپە- تەڭدىك بۇزىلادى عوي، مورت سىنىپ كەتسە، مۇناي توگىلىپ اپاتتى جاعدايعا اكەلۋى مۇمكىن.

ەسكە سالا كەتەيىك، ناۋرىزدىڭ 23- كۇنى تايۆاندىق كولىك كومپانياسىنا تيەسىلى 400 مەترلىك جۇك كەمەسى سۋەس كانالىندا قايرانعا تۇرىپ، سۋ جولىن جاۋىپ تاستادى. قىتايدان روتتەردامعا بەت الىپ بارا جاتقان كەمەنىڭ ماڭىزدى كۇرە جولدا تۇرىپ قالۋىنان 150-دەي كەمە جۇرە الماي قالدى. كەمەنىڭ ناقتى نەدەن اپاتقا ۇشىراعانى ءالى بەلگىسىز. سۋەس كانالىن كەمەنىڭ بوگەپ تاستاۋى مۇناي باعاسىنا دا اسەر ەتتى.

www.24.kz