ءتورتىنشى توقساندا بارلىق وقۋشى ارالاس فورماتتا وقۋعا كوشەدى - ۆيتسە-مينيستر
بۇل تۋرالى ورتالىق كوممۋنيكتسيالار قىزمەتىندە وتكەن IV توقسانداعى وقۋ فورماتى تۋرالى بريفينگىدە ايتىلدى، دەپ حابارلايدى قازاقپارات ءتىلشىسى.
« Ⅲ توقساندا قازاقستاندىق مەكتەپتەردە 2300000 (%66) وقۋشى وقۋدى ءداستۇرلى نەمەسە ارالاس فورماتتا اياقتادى. 1100000 (%34) وقۋشى قاشىقتان وقىدى. IV توقساندى باستاۋعا قاتىستى ماسەلە ۇكىمەت جانىنداعى ۆەدومستۆوارالىق كوميسسيانىڭ وتىرىسىندا قارالىپ، كەشە – 25-ناۋرىزدا ەلىمىزدىڭ باس سانيتار دارىگەرىنىڭ قاۋلىسى قابىلداندى. IV توقساندا وقىتۋ فورماتى ءوڭىر تاۋەكەلى تومەن نەمەسە ورتاشا ايماقتاردا بولعان جاعدايدا بارلىق وقۋشى مەكتەپتە ارالاس فورماتتا وقۋعا كوشەدى»، - دەيدى ق ر ءبىلىم جانە عىلىم ۆيتسە-ءمينيسترى شولپان كارينوۆا.
ونىڭ ايتۋىنشا، 300 گە دەيىنگى وقۋشى بار مەكتەپتەر جۇمىسىن ءارى قاراي ءداستۇرلى فورماتتا جالعاستىرادى.
«IV توقسان فورماتىنا اۋىسقان كەزدە 1 وقۋشى - 1 كابينەت پرينتسيپى ساقتالىپ، وقۋشىلاردىڭ سانى ءار سىنىپتا 25 تەن اسپاۋى كەرەك. بۇل ماسەلە قاۋلىدا قاراستىرىلعان. ءار ءپان ادەتتەگىدەي 40 مينۋتتان بولادى. وقۋشىلاردىڭ ءبىلىم ساپاسىنداعى ولقىلىقتاردى تولتىرۋ بويىنشا جۇمىس تا جالعاسادى. ناۋقاستانىپ قالعان نەمەسە ناۋقاستارمەن بايلانىستا بولعان كەيبىر ەرەكشە جاعدايدا اتا- انانىڭ ءوتىنىشى نەگىزىندە بالا قاشىقتان وقۋ فورماتىندا قالا الادى»، - دەيدى ول.
