ورالباي ابدىكارىموۆ ءبىلىم باسقارمالارىنداعى جەمقورلىق بىلىقتار تۋرالى ايتتى
رەسپۋبليكالىق قوعامدىق بىرلەستىك ءتوراعاسى پاندەميا سىبايلاس جەمقورلار ءۇشىن اقشا جىمقىرۋدىڭ جاڭا مۇمكىندىگى بولعانىن ايتادى.
«سىبايلاس جەمقورلىققا توزبەيتىن كوزقاراس قالىپتاستىرۋ ءىسىن جالعاستىرۋ كەرەك. بۇل فورمالدى سيپاتتا وتپەۋى قاجەت. ءارقايسىمىز ونىڭ ەل دامۋىنىڭ قازىرگى كەزەڭىندە ماڭىزى زور ەكەنىن ءتۇسىنۋىمىز كەرەك. پاندەميا كەزەڭىندە سىبايلاس جەمقورلار احۋالدى پايدالانعانىن بىلەمىز. پاندەمياعا قارسى قانشاما قاراجات بولىنگەنىن بارشاڭىز بىلەسىزدەر. ىندەتپەن كۇرەسكە تريلليونداعان تەڭگە ءبولىندى. سونى جىرىمداپ، جول بويىنشا، باسقا دا باعىتتار بويىنشا جىمقىرعاندار بار»، - دەدى ورالباي ءابدىكارىموۆ ل. ن. گۋميلەۆ اتىنداعى ە ۇ ۋ-دا وتكەن سەمينار-كەڭەستە.
سونداي-اق ول حالىققا ءبىلىم بەرۋ سالاسىندا دا جاعداي سولاي ەكەنىن ايتتى.
«مەكتەپتەردى كومپيۋتەرلەندىرۋ بويىنشا قورقىنىشتى فاكتىلەر بەلگىلى بولىپ جاتىر. كومپيۋتەر ساتىپ الۋعا سەنىپ تاپسىرىلعان اقشانى وبلىستىق ءبىلىم باسقارمالارىنىڭ باسشىلارى باعانى قولدان كوتەرۋ ارقىلى جىمقىرعان. سالدارىنان ساپاسىز كومپيۋتەرلەر الىنعان. وسىنداي جايتتار قايتالانباۋى ءۇشىن بۇكىل حالىق بولىپ جەمقورلىققا قارسى كۇرەستىڭ ماڭىزىن تۇسىنگەنى كەرەك. ءبىز بۇل ءىستى سوڭىنا جەتكىزەمىز. ول ءۇشىن كۇندەلىكتى جۇمىس ىستەۋ قاجەت»، - دەدى ول.
