اۋادان جاسالعان تاعام پايدا بولدى

نۇر-سۇلتان. قازاقپارات - فينليانديالىق Solar Foods كومپانياسى كومىرتەگى، سۋتەگى، وتتەگى جانە ازوتتان جاسالعان شنيتسەل جاسادى.

اقۋىزدا ءدال وسى ەلەمەنتتەردەن تۇرادى. سولەين دەپ اتالاتىن ءونىم اتالعان كومپانيانىڭ ەسپوو قالاسىنداعى زەرتحاناسىندا جاسالدى جانە ونى نارىققا 2023-جىلدىڭ باسىندا شىعارۋ جوسپارلانىپ وتىر.

عالىمدار ەتتىڭ وسىنداي بالاماسىن الۋدى اشىتۋ پروتسەسى نەگىزىندە العان. ونى دايىنداۋ ءۇشىن كىشكەنە بيورەاكتورعا سۋتەك، كومىرقىشقىل گازى جانە ميكروەلەمەنتتەردەن تۇراتىن قوسپا قۇيادى. كەيىن ونى توتىقتىرعىش باكتەريالارمەن ارالاستىرادى. ناتيجەسىندە پايدا بولعان ءونىم كادىمگى ءبيداي ۇنىنا ۇقسايدى، ءبىراق قۇرامىندا مايلار، كومىرسۋلار مەن اقۋىز بار.

Solar Foods بولاشاقتا بۇكىل ادامزاتتى وسى ونىممەن قامتاماسىز ەتۋگە بولادى دەپ سەندىرەدى. وسى جوسپارلاردى جۇزەگە اسىرۋ ءۇشىن كومپانيا مەملەكەت پەن جەكە قورلاردان شامامەن 25 ميلليون ەۋرو سۋبسيديا الدى.

massaget.kz