ساۋدا مينيسترلىگى باعانى تۇراقتاندىرۋ جونىندەگى جول كارتاسىنىڭ نەگىزگى شارالارىن ءتۇسىندىردى

نۇر-سۇلتان. قازاقپارات - ساۋدا جانە ينتەگراتسيا مينيسترلىگى باعانى تۇراقتاندىرۋ جونىندەگى جول كارتاسىنىڭ نەگىزگى شارالارىن ءتۇسىندىردى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

مينيسترلىك باعانى تۇراقتاندىرۋ جول كارتاسىن ق ر اۋىل شارۋاشىلىعى مينيسترلىگى جانە ق ر باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ ازىرلەدى.

جول كارتاسى مىناداي ءىس-شارالاردى قامتيدى:

تەكسەرۋ مەن كومپلاەنس، ساۋدا شارالارى، ءوندىرىستى ۇلعايتۋ جانە كاسىپورىنداردى قولداۋ، سونداي-اق زاڭنامالىق وزگەرىستەر.

ءبىرىنشى باعىت «تەكسەرۋلەر جانە كومپلاەنس». بۇگىنگى تاڭدا ازىق-تۇلىك باعاسىنىڭ ايتارلىقتاي ءوسۋى بايقالادى. باعانىڭ نەگىزسىز وسۋىنە جول بەرمەۋ ماقساتىندا مونوپولياعا قارسى ورگان مەن اكىمدىكتەر تاراپىنان باقىلاۋدى كۇشەيتۋ قاجەتتىلىگى تۋىندادى.

ق ر باسەكەلەستىكتى قورعاۋ جانە دامىتۋ اگەنتتىگىنىڭ قۇزىرەتىنە باسىم بيزنەس سۋبەكتىلەرىنىڭ باعاعا قاتىستى ءسوز بايلاسۋ فاكتىسىن انىقتاۋ جانە ولار انىقتالعان جاعدايدا ونىڭ جولىن كەسۋ كىرەدى.

ءوز كەزەگىندە، اكىمدىكتەرگە الەۋمەتتىك ماڭىزى بار ازىق-تۇلىكتىڭ شەكتى باعاسىنىڭ ساقتالۋىن باقىلاۋ قۇزىرەتى بەرىلگەن. جول كارتاسىندا اكىمدىكتەرگە، فيسكالدىق جانە مونوپولياعا قارسى ورگاندارعا بارلىق قاجەتتى باقىلاۋ ءىس-شارالارىن جۇرگىزۋگە مۇمكىندىك بەرەتىن شاعىن بيزنەسكە قاتىستى تەكسەرۋلەردى تاعايىنداۋ الگوريتمىن قابىلداۋ كوزدەلگەن.

ەكىنشى باعىت «ساۋدا شارالارى». باعالاردى تەجەۋدىڭ پارمەندى تەتىكتەرىنىڭ ءبىرى وڭىرلەردە شەكتى باعالاردى بەلگىلەۋ.

ماسەلەن، كۇنباعىس مايى مەن جۇمىرتقا بويىنشا بارلىق وڭىرلەردە شەكتى باعالار اسىپ ءتۇستى. اكىمدىكتەر شەكتى باعانى بەلگىلەۋى ءتيىس. ساۋدا جانە ينتەگراتسيا مينيسترلىگى، ءوز كەزەگىندە، وسى تاۋارلارعا شەكتى باعالاردى بەلگىلەۋدى ۇسىنادى.

ارەكەت ەتەتىن تەتىك - «اينالىم سحەماسى»، ياعني ساۋدا جەلىلەرىنە جەڭىلدىكتى قارىزدار بەرۋ. اينالىم سحەماسى شەڭبەرىندە تاۋارلار ساۋدا جەلىلەرىنىڭ سورەلەرىنەن نارىق باعاسىنان ورتاشا العاندا 15-20 پايىزدان تومەن باعامەن ساتىلادى.

ساۋدا جانە ينتەگراتسيا مينيسترلىگى اينالىم سحەماسىن قارجىلاندىرۋدى 21,9 ميلليارد تەڭگەدەن 50 ميلليارد تەڭگەگە دەيىن ءوسىرۋدى ۇسىنادى. سونداي-اق، ساۋدا جانە ينتەگراتسيا مينيسترلىگى تاۋارلاردىڭ، اتاپ ايتقاندا، بۇقا مەن قوشقاردىڭ ەكسپورتىنا كۆوتا بەلگىلەۋدى ۇسىنادى.

سەبەبى وزبەكستانعا ءتىرى سيىر مەن ۇساق مال ەكسپورتىنىڭ جوعارى بولۋىنا بايلانىستى سيىر ەتى باعاسىنىڭ ءوسۋ قاۋپى بار. ءوندىرىستى ۇلعايتۋ جانە كاسىپورىنداردى قولداۋ جونىندەگى ءۇشىنشى شارا. اۋىل شارۋاشىلىعى تاۋارىن وندىرۋشىلەردىڭ قولداۋى سۋبسيديالاۋدى بىلدىرەدى.

سۋبسيديالاۋدى ۇلعايتۋ، سۋبسيديالاۋ كريتەريىن قايتا قاراۋ، سونداي-اق تەمىرجول تاسىمالى شىعىنىنىڭ ءبىر بولىگىن وتەۋ وتەماقىسى، ساۋدا وبەكتىلەرىندە ولاردى ودان ءارى ساتۋ ءۇشىن ازىق-تۇلىك كورپوراتسيالارىنىڭ رەزەرۆىنەن الەۋمەتتىك ماڭىزى بار تاۋارلاردى ءبولۋ، سونداي-اق ەلەكتر ەنەرگياسىنا تاريفتەردى بەلگىلەۋ كوزدەلەدى، ويتكەنى بۇگىندە ءا م ا ت وندىرۋشىلەردىڭ نەگىزگى شىعىندارىنىڭ ءبىرى - كوممۋنالدىق قىزمەت. بۇدان باسقا، ق ر ساۋدا جانە ينتەگراتسيا مينيسترلىگى تۇراقتاندىرۋ قورلارىن يمپورتقا تاۋەلدى تاۋارلاردى ساتىپ الۋدى قايتا باعدارلاۋدى ۇسىنادى، سەبەبى سىرتقى باعالار ىشكى باعالارعا اۋىسادى جانە باعانىڭ جوعارى وسۋىنە ىقپال ەتەدى.

بۇل قانت پەن قاراقۇمىقتان بايقالادى. الەمدىك باعانىڭ وسۋىنە بايلانىستى ىشكى نارىقتاعى وسى تاۋارلاردىڭ قۇنى ءوستى.

ءتورتىنشى باعىت زاڭنامالىق وزگەرىستەردى قامتيدى. ماسەلەن، تۇراقتاندىرۋ قورلارىن قالىپتاستىرۋ جانە الەۋمەتتىك ماڭىزى بار تاۋارلاردى وندىرۋشىلەرمەن جانە جەتكىزۋشىلەرمەن ا ك ك- ءنىڭ فورۆاردتىق شارتتارىن جاساسۋ كەزىندە مەملەكەتتىك ساتىپ الۋدى وتكىزۋدىڭ ۇزاق راسىمىنە بايلانىستى ماسەلە وزەكتى بولىپ قالۋدا، بۇل جول كارتاسىندا كورىنىس تاپتى.

ق ر ساۋدا جانە ينتەگراتسيا مينيسترلىگىنىڭ پىكىرىنشە، ءوندىرىس كولەمىن، ەكسپورتتى/يمپورتتى، ەگىس القاپتارىن بولجاماي-اق، ساۋدا جانە ينتەگراتسيا مينيسترلىگى ازىق-تۇلىك تاۋارلارىنىڭ قۇنىن بولجاي المايدى. بولجاۋ ينستيتۋتىن ەنگىزۋ باعانىڭ وسۋىنە جول بەرمەۋ بويىنشا ءتيىستى شارالاردى الدىن الا قابىلداۋعا، تاۋارلاردى ارتىق بولۋى بار وڭىرلەردەن تاپشىلىققا قايتا باعىتتاۋعا، سول ارقىلى باعالاردى ۇستاپ تۇرۋعا مۇمكىندىك بەرەدى.