قايرات نۇرتاس الماتىدا جاسىرىن وتكىزىلگەن تويدا بولعان

الماتى. قازاقپارات - الماتىدا مەرەكە كۇندەرى جۇمىسىن توقتاتپاعان تاعى ءبىر مەيرامحانا انىقتالدى. مونيتورينگ توبى پەن قالالىق شتابتىڭ ماماندارى بىرلەسىپ، كوڭىل كوتەرەتىن ورىننىڭ ىشىنە 3 ساعات دەگەندە ازەر كىردى.

كۇشەيتىلگەن كارانتين تالاپتارىن ساقتاماعان قوناقتاردىڭ اراسىندا ەلگە تانىمال ءانشى دە بولدى، دەپ حابارلايدى قازاقپارات ءتىلشىسى.

رەسپۋبليكالىق ارنايى مونيتورينگ توبى ءتوراعاسىنىڭ ورىنباسارى رافاەل گاسانوۆ Facebook - تەگى پاراقشاسىندا تۇنگى ۋاقىتتا جاسىرىن تۇردە توي وتكىزىپ جاتقان مەيرامحانانىڭ ۆيدەوسىن جاريالادى. «ءبىز ەكى ساعاتتان استام ۋاقىت بويى «Laureate» مەيرامحاناسىندا قوناقتاردىڭ بار- جوعىن بىلۋگە تىرىستىق، بەكەر كۇتپەگەن ەكەنبىز. مەيرامحانادا جۇزدەن استام ادام بار ەكەنى انىقتالدى. ارينە، توبەلەس تە بولدى. جالپى، بارلىعى ۆيدەوعا ءتۇسىرىلدى»، - دەپ جازدى رافاەل گاسانوۆ.

وقيعا مەدەۋ اۋدانىندا بولعان. مونيتورينگ توپ مۇشەلىرىمەن ب ا ق وكىلدەرى عيمارات ىشىنە كىرگەن كەزدە، قوناقتار بۇرىش- بۇرىشقا تىعىلىپ، بەتتەرىن كورسەتپەۋگە تىرىستى. ولاردىڭ اراسىندا تانىمال ءانشى قايرات نۇرتاس تا بار.

اۆتور: الما مۇقانوۆا