تىزىمگە ەنبەگەن الماتىلىق دەپۋتاتتار نەلىكتەن كوروناۆيرۋس ۆاكسيناسىن سالدىردى

الماتى. قازاقپارات - الماتى قالالىق قوعامدىق دەنساۋلىق ساقتاۋ باسقارماسىنىڭ وكىلى، تەلەمەديتسينا ورتالىعىنىڭ ديرەكتورى لاۋرا مىرزاعالي ونلاين بريفينگ بارىسىندا الماتى ءماسليحاتىنىڭ دەپۋتاتتارىنا كوروناۆيرۋسقا قارسى ۆاكسينا نە ءۇشىن سالىنعانىن ايتىپ بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، بۇگىندە دەنساۋلىق ساقتاۋ مينيسترلىگى بەلگىلەپ بەرگەن ادامدارعا ۆاكسيناتسيا جاسالۋدا. ولار - مەديتسينا قىزمەتكەرلەرى، مۇعالىمدەر، اسكەري جانە پوليتسيا قىزمەتكەرلەرى، ستۋدەنتتەر، مەكتەپكە دەيىنگى ۇيىم قىزمەتكەرلەرى، ديسپانسەردە ەسەپتە تۇرعان ادامدار. ونلاين بريفينگ بارىسىندا جۋرناليستەر سپيكەردەن دەنساۋلىق ساقتاۋ مينيسترلىگى بەكىتكەن تىزىمگە ەنبەگەن دەپۋتاتتارعا نەگە ۆاكتسينا سالىنعانىن سۇرادى.

«ارنايى قور بار. مالىمەتتەر بازاسىندا ۆاكسيناتسيالانعان بارلىق ادامدار قىزمەتى بويىنشا ناقتى سيپاتتالعان. باسشىلىق لاۋازىمداعى ادامدار قاجەت بولعان جاعدايدا ۆاكسينا الۋى كەرەك. دەپۋتاتتار - ۇنەمى حالىقپەن، مەديتسينا قىزمەتكەرلەرىمەن جانە تاعى باسقالارمەن بايلانىستا بولاتىن ادامدار. سوندىقتان، ارنايى قوردىڭ شەشىمىمەن بۇل ادامدارعا ۆاكسينا ەگىلدى. الماتىعا بولىنگەن دوزا وڭدى- سولدى تاراتىلمايدى. مۇنىڭ ءبارى كەيىنىرەك تەكسەرىلەدى»، - دەپ جاۋاپ بەردى لاۋرا مىرزاعالي.

ەسكە سالايىق، اقپان ايىندا الماتى ءماسليحاتىنىڭ دەپۋتاتتارى كوروناۆيرۋسقا قارسى ۆاكسينا سالدىرعان بولاتىن.

اۆتور: الما مۇقانوۆا