13:45, 25 - ناۋرىز 2021 | GMT +5
پرەزيدەنت اسقار مامينگە مۇقتاج ازاماتتاردى باسپانامەن قامتاماسىز ەتۋگە ەرەكشە نازار اۋدارۋدى تاپسىردى
نۇر-سۇلتان. قازاقپارات - پرەزيدەنت پرەمەر- مينيستر اسقار ماميندى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
پرەمەر-مينيستر قازاقستاندا سيفرلىق پلاتفورما قۇرۋ تۋرالى مەملەكەت باسشىسىنىڭ بەرگەن تاپسىرماسىنىڭ ورىندالۋ بارىسى جايىندا باياندادى. قاسىم-جومارت توقايەۆ مۇقتاج ازاماتتاردى ساپالى باسپانامەن بارىنشا قامتاماسىز ەتۋ ماقساتىندا ۇكىمەتكە «نۇرلى جەر» مەملەكەتتىك باعدارلاماسىن تولىققاندى ىسكە اسىرۋعا قاتىستى پروبلەمالاردى شەشۋگە ەرەكشە نازار اۋدارۋدى تاپسىردى.
ۇكىمەت جەرگىلىكتى ماڭىزى بار جوعارى ساپالى جولداردى جوندەۋ جانە سالۋ ماسەلەلەرىمەن اينالىسۋى كەرەك. ازاماتتارعا ۆاكسينا سالۋدى اقپاراتتىق تۇرعىدان قامتاماسىز ەتۋ جانە بيىلعى بەلگىلەنگەن شەككە (6 ميلليون ادام) قول جەتكىزۋ ماسەلەسى دە وزەكتى. سونداي-اق مەملەكەت باسشىسى ۇكىمەت پەن وبلىس اكىمدەرىنە ازىق- تۇلىك باعاسىنىڭ ودان ءارى وسۋىنە جول بەرمەۋ ءۇشىن باقىلاۋدى كۇشەيتۋدى تاپسىردى.
